Prezıdentke qatań, biraq oryndy sheshim qabyldaýǵa týra keldi – Dmıtrıı Ostankovıch

NUR-SULTAN. QazAqparat – «Radıma» Belarýs mádenı ortalyǵynyń tóraǵasy Dmıtrıı Ostankovıch Memleket basshysy Qasym-Jomart Toqaevtyń «Habar» agenttigine bergen eksklıýzıvti suhbatyna oraı pikir bildirdi, dep habarlaıdy QazAqparat tilshisi.

«Prezıdent Qasym-Jomart Toqaev suhbat barysynda oryn alǵan qaıǵyly oqıǵalarǵa, eldegi munan arǵy saıası jáne áleýmettik reformalarǵa, sonymen qatar Qazaqstannyń negizgi syrtqy saıası seriktesterimen ózara qarym-qatynasyna baılanysty barlyq qazaqstandyqtar úshin óte mańyzdy birqatar saýalǵa jaýap berdi. Qańtar aıynyń basynda elimiz óte aýyr tótenshe jaǵdaıǵa tap boldy. Onyń eńserý jáne tıimdi sheshý úshin Qasym-Jomart Kemelulyna barynsha qatań, biraq ýaqytyly ári oryndy sheshim qabyldaýǵa týra keldi», - dedi ol.

Belarýs mádenı ortalyǵy tóraǵasynyń atap ótýinshe, zańǵa saı bastamalardy qolyna alyp, ahýaldy tolyq baqylaýynda ustady.

«Osynaý kúnderi Qazaqstannyń mıllıondaǵan azamaty Prezıdenttiń telearnalar arqyly úndeýin qybyr etpesten tyńdadyjáne onyń sózi men isinen senimderi oıandy. Búginde biz elimizde eshkimniń de zańsyz jaýlyq pen úreı týdyra almaıtyndyǵyna nyq snimdimiz. Men Memleket basshysynyń eldi odan ary áleýmettik-ekonomıkalyq damytýǵa qatysty usynǵan is-sharalaryn tolyǵymen qoldaımyn. Árbir qazaqstandyq óziniń jasampaz eńbegimen Táýelsiz Qazaqstanyń odan ári gúldene berýi úshin bar kúsh-jigerimen úles qosýy tıis dep sanaımyn», - dedi Dmıtrıı Ostankovıch.