Prezıdentke Qaraǵandyda geologııalyq zerthana salý jospary tanystyryldy

<p>ASTANA. KAZINFORM - Prezıdent Qasym-Jomart Toqaev Solidcore Resources plc kompanııasynyń bas atqarýshy dırektory Vıtalıı Nesısti qabyldady, dep habarlaıdy Aqordanyń baspasóz qyzmeti.</p>

Memleket basshysyna baǵaly jáne tústi metaldardy barlaý, ıgerý jáne qaıta óńdeýmen aınalysatyn iri kompanııanyń Qazaqstandaǵy qyzmetiniń nátıjesi jóninde málimet berilip, aldaǵy ýaqytqa arnalǵan jospary tanystyryldy.

Prezıdentke Solidcore Resources plc kompanııasy Pavlodar oblysynda «Ertis GMK» jańa gıdrometallýrgııa kesheniniń qurylysyn bastaǵany jóninde baıandaldy. Bolashaq zaýyt jylyna 300 myń tonna kontsentrat shyǵara alady. Quramyndaǵy altynnyń úlesi 98 paıyzǵa jýyqtaıtyn Dore quımasyn shyǵarý josparlanyp otyr.

Sondaı-aq Vıtalıı Nesıs Qasym-Jomart Toqaevqa Qaraǵandyda geologııalyq zerthana salý josparyn tanystyrdy.

Kezdesý sońynda Memleket basshysy kompanııanyń otandyq ónerkásipke qajetti ınjener mamandar daıarlaý maqsatynda qabyldaǵan sharalarynyń mańyzy zor ekenin atap ótti.

Osyǵan deıin Memleket basshysy Microsoft kompanııasynyń Ortalyq Eýropa men Ortalyq Azııadaǵy prezıdenti Mıshel Sımmonsty qabyldaǵanyn jazdyq.