Prezıdentke Qaraǵandy oblysyndaǵy shahtada bolǵan apatqa baılanysty kóńil aıtý jedelhattary túsip jatyr

<p>Qasym-Jomart Toqaevqa Túrkııa Prezıdenti Rejep Taııp Erdoǵan qońyraý shalyp, Qaraǵandy oblysyndaǵy kómir shahtasynda bolǵan apat saldarynan kóptegen adamnyń qaza tabýyna baılanysty Memleket basshysyna jáne barsha qazaq halqyna qaıǵyryp kóńil aıtty, dep habarlaıdy <a href="https://kaz.inform.kz/?_gl=1*1ppzdsp*_ga*NzgwMzg1NDY2LjE2OTQ4MzQ5NTM.*_ga_Y44SMVECD5*MTY5ODQ3MzM2MC40OS4wLjE2OTg0NzMzNjAuNjAuMC4w&amp;pk_vid=950730acf4cfe4b61698473363ee3036" target="_blank" rel="noopener">Kazinform</a> Aqordanyń <a href="https://www.akorda.kz/ru" target="_blank" rel="noopener">baspasóz </a>qyzmetine silteme jasap.&nbsp;</p>

Áńgimelesý barysynda eki el basshylary 3 qarasha kúni Astana qalasynda ótetin Túrki memleketteri uıymy X sammıtiniń kún tártibin talqylady.

Qasym-Jomart Toqaev Rejep Taııp Erdoǵandy jáne barsha túrik halqyn Túrkııa Respýblıkasynyń 100 jyldyq mereıtoıymen quttyqtady.

Tájikstan Prezıdenti Emomalı Rahmon da Memleket basshysy Qasym-Jomart Toqaevpen telefon arqyly sóılesip, Qaraǵandydaǵy ken ornynda bolǵan qaıǵyly oqıǵaǵa baılanysty kóńil aıtty.

Sondaı-aq kóńil aıtý jedelhattaryn Iran Islam Respýblıkasynyń Prezıdenti Ibrahım Raısı, BAÁ Prezıdenti sheıh Muhammed ben Zaıd Ál Nahaıan, BAÁ Vıtse-prezıdenti, Premer-mınıstri, Dýbaı ámirliginiń bıleýshisi Muhammed ben Rashıd Ál Maktým, BAÁ Vıtse-prezıdenti, Prezıdent Ákimshiliginiń basshysy Mansýr ben Zaıd Ál Nahaıan, ShYU Bas hatshysy Chjan Mın, Túrki memleketteri uıymynyń Bas hatshysy Kýbanychbek Ómirálıev, BUU mıgratsııa jónindegi halyqaralyq uıymynyń bas dırektory Emı Poýp jáne basqalar joldady.

Aıta keteıik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat boldy.

Saǵat 15:00-degi jaǵdaı boıynsha Kostenko shahtasynan 42 adamnyń denesi tabyldy, 4 kenshini izdeý jalǵasýda.

Qaraǵandy oblysyndaǵy Kostenko shahtasynda qaıǵyly oqıǵaǵa baılanysty 29 qazan Jalpyulttyq aza tutý kúni bolyp jarııalandy.