Prezıdent Joldaýynyń el damýyna jańa serpin beretini anyq - Aıda Balaeva

NUR-SULTAN. QazAqparat - Elordadaǵy «Egemen Qazaqstan» gazeti ǵımaratynda QR Aqparat jáne qoǵamdyq damý mınıstri Aıda Balaevanyń qatysýymen QR Prezıdenti Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Joldaýyn talqylaý maqsatynda zııaly qaýym ókilderimen dóńgelek ústel ótti, dep habarlaıdy QazAqparat tilshisi.

«11 baǵyttan turatyn joldaýdaǵy eń basty baǵyt, ol eldiń ál-aýqatyn jaqsartý. Prezıdent Joldaýynyń el damýyna jańa serpin beretini anyq. Joldaý aıasynda uıymdastyrylatyn sharalardyń barlyǵy da qarapaıym halyqtyń erteńi úshin. Sondaı-aq, Prezıdent óz Joldaýynda Abaı atamyzdyń kezinde aıtyp ketken danalyq sózderin búgingi zamanmen baılanystyrdy. ıAǵnı adamdardyń boıyndaǵy teris ádetter týraly. Onyń ishinde ysyrapshyldyq, daraqylyq, jaýapsyzdyq, salmaǵy joq salt pen dástúr. Bul teris qylyqtardyń barlyǵynan biz tolyqtaı aryla qoıǵan joqpyz», - dedi A. Balaeva otyrysta.

Mınıstrdiń aıtýynsha, halyqtyń sana sezimin jańǵyrtyp, ulttyń jańa bolmysyn qalyptastyrýymyz kerek.

«Sondyqtanda Memleket basshysy aıtyp ótken jańa qasıetterdiń barlyǵyn árbir qazaqstandyq azamattyń óz boıyna sińire bilgeni jón. Joldaýdy iske asyrýda kóptegen mindet kútip tur. Osy maqsatta búgin aǵartý ókilderimen kezdesip, jumysty qalaı uıymdastyramyz, qandaı is-sharalar qoldanamyz jáne aqparat jumystarynyń mazmunyn qalaı ózgertemiz degen suraqtarǵa jaýap izdep, talqyǵa salýdy jón sanadyq», - dedi ol.

QR Aqparat jáne qoǵamdyq damý mınıstrligi uıymdastyrǵan dóńgelek ústelge elimizdiń zııaly qaýym ókilderinen bólek, BAQ-nyń basshylary men ókilderi qatysty.