Prezıdent Joldaýynda ǵylymdy yntalandyrý baǵytyndaǵy máseleler qýantty - ǵalym
Bıylǵy joldaýda eldiń aldaǵy jyldardaǵy áleýmettik-ekonomıkalyq damýynyń basym baǵyttary jaıly aıtyldy.
Bul týraly Fılosofııa, saıasattaný jáne dintaný ınstıtýtynyń jetekshi ǵylymı qyzmetkeri Dınara Jańabaeva aıtty.
Prezıdenttiń kezekti Joldaýy qoǵamǵa baǵyttalǵan kóptegen baǵdarlamalyq qujattardyń ishindegi eń mańyzdylarynyń biri jáne ol pandemııa kezindegi eldiń áleýmettik-ekonomıkalyq, mádenı jáne rýhanı damýynyń jańa múmkindikterin izdený úshin basty baǵdar bolmaq. Óz baıandamasynda Memleket basshysy eldiń áleýmettik – ekonomıkalyq damýyna tolyq taldaý jasap, halyq pen qoǵamnyń ıgiligin arttyrý jolyna qajet jańa mindetterdi qoıdy. Sonyń ishinde, ásirese, densaýlyq saqtaý, bilim jáne ǵylym, til máselelerine erekshe toqtalyp ótti.
«Ǵylym jolyndaǵy azamattar úshin ǵylymı zertteýlerdi yntalandyrý maqsatynda granttyq ǵylymı jobalardy júzege asyrý 3 jyldan 5 jylǵa uzartylýy kóńil qýantarlyq jańalyq boldy»,-deıdi ǵalym.
Sonymen qatar, Qasym-Jomart Toqaev jetekshi ǵalymdardyń jalaqy máselesin sheshý maqsatynda «Ǵylymdy damytý – bizdiń asa mańyzdy basymdyǵymyz. Bul saladaǵy túıtkilderdiń sheshimin tabý úshin jyldyń sońyna deıin zańnamaǵa ózgerister engizý qajet. Eń aldymen, jetekshi ǵalymdarymyzǵa turaqty jáne óz eńbegine laıyqty jalaqy tóleý máselesin sheshý kerek», – dep atap ótti.
Shyǵystyń ǵulamasy Ál-Farabı kezinde «Ǵylymy joq eldiń bolashaǵy bulyńǵyr» degen edi, sondyqtan da eldegi ǵylymdy damytý men ǵalymdardy qoldaý jolynda naqty, júıeli saıasattyń bolýy shart.
«Qazirgi zamanýı álemde elimizdiń árbir azamaty joǵary ári sapaly bilim men qajyrly eńbektiń nátıjesinde ǵana bıik belesterden kórine alady. Bıylǵy Joldaý bolashaǵymyzdyń irgesin nyq bekitýge mindettep, Ortalyq Azııadaǵy kóshbasshy memleketterdiń birine aınalyp, eldiń ál-aýqatyn jaqsartý jolynda jemisti jumys isteýge, senimdi áreket etýge yqpalyn tıgizedi. Joldaýdaǵy alǵa qoıylǵan mindetter el jetistikterin arttyrýǵa, damýdyń sapaly jańa deńgeıine shyǵarýǵa birden-bir múmkindik bolmaq»,-deıdi Dınara Jańabaeva.