Prezıdent Joldaýy jańa Qazaqstandy qurýǵa baǵyttalǵan – Ózbekstan Elshisi

NUR-SULTAN. QazAqparat – Qazaqastan Prezıdentiniń Joldaýy eldi ári qaraı damytýǵa baǵyttalǵan. Ózbekstan Respýblıkasynyń Qazaqstandaǵy Tótenshe jáne Ókiletti Elshisi Saıdıkram Nııazhodjaev osyndaı pikir bildirdi, dep habarlaıdy QazAqparat tilshisi.

«Bul Joldaý tarıhı joldaý ekenin erekshe atap ótkim keledi. Ol Qazaqstannyń odan ári damýyna baǵyttalǵan jáne reformalardyń barlyq baǵyttaryn – saıası, sondaı-aq saılaý júıesi, sot-quqyqtyq júıe, el óńirlerin damytý baǵyttaryn qamtıdy. Sonymen birge, ol Qazaqstan Respýblıkasy Táýelsizdiginiń 30 jyldyq tarıhynda jınaqtalǵan tájirıbeni eskeredi jáne jańa Qazaqstandy-neǵurlym damyǵan Qazaqstandy qurýǵa baǵyttalǵan jáne ol úshin búkil baza bar», – deıdi Saıdıkram Nııazhodjaev.

Dıplomat Joldaýda belgilengen reformalardy júzege asyrý úshin ýaqyt qajet ekenin aıtady.

«Ashyǵyn aıtqanda, ol bir jyldan artyq ýaqytty talap etedi. Bul birneshe jylǵa eseptelgen jáne Qazaqstannyń saıası, ekonomıkalyq ómirinde bastalǵan reformalardyń dáıektiligin kórsetedi. QR Prezıdenti óziniń alǵashqy jáne ekinshi Joldaýynda mindetterdi bólisý týraly aıtqan bolatyn. Depýtattarǵa, Májilis ókilderine qosymsha ókilettik beriledi. Parlamentte ózgerister bolady. Bul reformalardyń bári QR Konstıtýtsııasyna 30-ǵa jýyq tolyqtyrý men ózgeris engizýdi qajet etedi. Zańnamalyq aktilerge engiziletin basqa ózgerister jáne bar. Joldaýda kópshilikpen jumys isteýge erekshe kóńil bólingeni qýantady. ıAǵnı, bul - «Halyq únine qulaq asatyn memleket» qaǵıdaty boıynsha bastalǵan reformalardyń jalǵasy», - dep tolyqtyrdy Saıdıkram Nııazhodjaev.