Prezıdent Joldaýy nasıhattaldy - Kentaý

KENTAÝ. QazAqparat – Túrkistan oblystyq «Nur Otan» partııasy oblystyq fılaly aldaǵy  10 kúnde «Open space» formatynda «Azamattardy qabyldaý ortalyǵy» óz jumysyn bastaıtyn bolady. Bul týraly Kentaý qalasy Qarnaq aýyly turǵyndarymen kezdesýinde partııanyń oblystyq fılaly tóraǵasynyń birinshi orynbasary Beısen Tájibaev  bastaýysh partııa uıym ókilderimen kezdesýinde málim etti, dep habarlaıdy QazAqparat tilshisi.

QR Prezıdenti Qasym-Jomart Toqaevtyń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Joldaýyn nasıhattaý Kentaýda ózgeshe formatta ótti. Bul jolǵy kezdesý 5 ga jerdi ıgere otyryp, alma men júzim, óriktiń túr-túrin halyqqa usynyp kele jatqan  «Myrza» sharýa qojalyǵynda uıymdastyryldy. Kezdesýge Kentaý qalasy partııa fılıalynyń basshylary, bastaýysh partııa uıymdarynyń músheleri men aýyl turǵyndary jáne BAQ ókilderi qatysty.    Kezdesýde sóz alǵan Beısen Tájibaev Joldaýdaǵy negizgi basym baǵyttarǵa arnaıy toqtaldy.

«Prezıdent Joldaýda úkimettik emes uıymdardyń belsendiligin arttyryp,  qoǵamdyq ashyq dıalogtyq alańyn quryp, ózara pikir-saıystar ótkizý jóninde basa aıtty. Búgingi kezdesýimiz osy formatta erkin ári ózgeshe jaǵdaıda, ıaǵnı sharýa qojalyǵynda uıymdastyrylyp otyr. Aldaǵy ýaqytta biz mundaı kezdesýlerdiń kóptep ótkizý arqyly «Halyq únine qulaq asatyn memleket» tujyrymdamasyn iske asyrýǵa yqpal etetin bolamyz. Sondaı-aq, óńir halqynyń ótinishterin kúndelikti tyńdap, tıisti organdar arqyly máselelerdi turaqty túrde sheshýge múmkindik alamyz. Alda oblys ákimi, fılıal tóraǵasynyń tapsyrmasymen ákimdik janynan «Azamattar ótinishterin baqylaý»  bólimi iske qosylǵaly otyr. Atalǵan bólim aryz-shaǵymdardy merziminde qarap, jaýap berilýine baqylaý jasaıtyn bolady. Al, oblys ákimdigi apparatynyń bólimderi jaýaptyń sapasyn tekseredi. ıAǵnı, bizdiń maqsatymyz - túsken aryz-shaǵymdar kólemin azaıtý», - dedi Beısen Tájibaev.

   Kezdesý barysynda nasıxattyq top ókilderi aýyl sharýashylyǵyn damytý, ataýly áleýmettik kómek, shaǵyn jáne orta kásipkerlikke qoldaý bildirý maqsatyndaǵy oblysta qolǵa alynǵaly otyrǵan jumystardy da tilge tıek etti.   Óz kezeginde sóz alǵan aýyl turǵyndary da Joldaýda kóńilge qonymdy bolǵan negizgi basymdyqtardy atap ótti.   

   Aıta keteıik, elimizde  partııa fılıaldary Joldaýdy halyq arasynda keńinen nasıhattap, halyqtyń muń-muqtajyna nazar aýdarýdy qolǵa alǵan. Jurttyń máselesin anyqtaý maqsatynda óńirdiń barlyq aýyl-aımaqtarynda kúndelikti turǵyndarmen kezdesýler uıymdastyrýda.