Prezıdent Joldaýy: Qaı bastamalar kópshiliktiń kókeıine qondy
«Demokratııa ınstıtýty» ǵylymı-zertteý qaýymdastyǵynyń joba dırektory, áleýmettaný magıstri Basharına Tatıana keltirgen derek boıynsha, saýalnama Prezıdent Qasym-Jomart Toqaevtyń 2020 jyldyń 1 qyrkúıegindegi Joldaýy týraly turǵyndardyń jetkilikti deńgeıde habardar ekenin kórsetken.
Ár úshinshi respondent Memleket basshysynyń sóılegen sózin BAQ-tan oqyǵan nemese tyńdaǵan. Respondentterdiń taǵy 54,4%-y Joldaý týraly estigen, biraq onyń mazmunymen tolyq tanys emes. Jalpy alǵanda, respondentterdiń 84,4%-y 2020 jyldyń 1 qyrkúıeginde Memleket basshysynyń Qazaqstan halqyna Joldaýy jarııalanǵandyǵy týraly qandaı da bir aqparat alǵan. Saýalnama 15-25 qazan aralyǵynda 14 oblys pen respýblıkalyq mańyzy bar 3 qalada, 18 jastan asqan 1600 respondentti qamtý arqyly júrgizildi.
Respondentterdiń 43,7%-y Joldaýda olardy mazalaıtyn máseleler aıtylǵanyn atap ótti. Respondentterdiń bul sanaty Joldaýdy oń baǵalady.
«Qazaqstan halqyna Joldaýdan qandaı másele kóp este qaldy?» degen suraqqa jaýaptarynan Prezıdenttiń halyqtyń ál-aýqatyn saqtaý jáne jaqsartý, halyqtyń jumyspen qamtylýy men kiristerin saqtaý jónindegi mindetterdiń basymdyǵy týraly bastamalary qazaqstandyqtar arasynda eń úlken qoldaý tapqany baıqaldy. Pandemııa jaǵdaıynda qazaqstandyqtar ekonomıkalyq damý sharalaryn keńinen qoldady.
«Qazaqstan Respýblıkasy Prezıdentiniń Qazaqstan halqyna Joldaýynan ne kóbirek esińizde qaldy?» degen suraqqa respondentterdiń jaýaptarynyń bólinisi*
| Halyqty áleýmettik qoldaý (jańa jumys oryndary, azyq-túlikke baǵany saqtaý, halyqtyń álsiz toptaryn áleýmettik qorǵaý jáne t.b.) | 36,0% |
| Ekonomıka damytý jáne ekonomıkalyq reformalar (ShOB qoldaý, aýyl sharýashylyǵyn damytý, daǵdarysqa qarsy sharalar, jasyl ekonomıka jáne t.b.) | 29,2% |
| Densaýlyq saqtaý júıesin damytý (koronavırýspen kúresý, medıtsına qyzmetkerlerin laıyqty jalaqymen qamtamasyz etý, jańa aýrýhanalar salý jáne t.b.) | 26,2% |
| Memlekettik basqarý júıesin reformalaý (ádiletti memleket azamattardyń qorǵanyshy, sybaılas jemqorlyqpen kúres, memlekettik basqarýdyń jańa modeli, tsıfrlandyrý jáne t.b.) | 25,8% |
| Saıası reformalar jáne ulttyń jańa sapasy (ákimderdi saılaý, zorlyq-zombylyqqa, pedofılııaǵa qatysty zańdardy qatańdatý jáne t.b.) | 24,0% |
| Turǵyn úı máselelerin sheshý (zeınetaqy jınaqtaryn paıdalaný múmkindigi jáne t.b.) | 23,2% |
| Bilim sapasyn arttyrý jáne qol jetimdilikti qamtamasyz etý (qashyqtyqtan bilim berýdi damytý jáne qol jetimdiligin qamtamasyz etý)
| 23,0% |
Osylaısha, Memleket basshysynyń Joldaýy Qazaqstan halqy tarapynan qoldaý tapty jáne qoǵam onyń júzege asyrý men oryndalýyna úlken úmit artyp otyr.