Prezıdent Joldaýy el damýynyń negizgi baǵyttaryn anyqtaıdy-Juldyzaı Salybekova

KÓKShETAÝ. QazAqparat - Aqmola oblysy Aqkól aýdandyq máslıhatynyń hatshysy Juldyzaı Salybekova Prezıdenttiń «halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýy búgingi syn-qaterlerge der kezinde berilgen jaýap boldy jáne bizdiń qoǵamnyń barlyq negizgi salalaryndaǵy memlekettik saıasatty aıqyndaıdy dep esepteıdi, dep habarlaıdy QazAqparat tilshisi.

Ol Prezıdenttiń aýdan ákimderiniń tikeleı tańdaýyn engizý týraly tapsyrmasyna qýanǵanyn atap ótti. Bul halyqqa qaraı jasalǵan mańyzdy qadam.

«Ár túrli deńgeıdegi basshylardyń qurǵaq esepteriniń ornyna táýelsiz áleýmettik saýalnamalardyń túbegeıli jańa ınstıtýtyn elemeýge bolmaıdy. Máslıhattar atalǵan ınstıtýtty júzege asyrýda negizgi ról atqara alady dep oılaımyn, óıtkeni olar halyq qalaýlylary retinde memlekettik apparattyń ashyqtyǵy men tıimdiligine asa múddeli», - dedi Juldyzaı Salybekova.

Aýdandyq máslıhat hatshysy bıýdjettik úderisterdi jeńildetýge baılanysty tapsyrmalar úlken qyzyǵýshylyq týdyratynyn atap ótti.

«Máslıhat depýtaty retinde, jergilikti ózin - ózi basqarýǵa tikeleı qatysy bar, kún saıyn kóterilgen máselelerge tap bolatyn adam retinde Prezıdentimiz Qasym-Jomart Kemeluly Toqaevtyń bastamalaryn tolyq qoldaımyn. Aqkól aýdandyq máslıhat depýtattarynyń atynan Prezıdenttiń Qazaqstan halqyna Joldaýynda aıtylǵan tapsyrmalardy iske asyrýǵa bárimiz belsene atsalysatynymyzǵa sendire alamyn», - dep túıindedi spıker.

Eske sala keteıik, Qasym-Jomart Toqaev Parlamenttiń eki palatasynyń birlesken otyrysynda Qazaqstan halqyna jyl saıynǵy Joldaýyn jarııalaǵan bolatyn. Joldaýda Prezıdent elimizdiń áleýmettik-ekonomıkalyq damýynyń aldaǵy kezeńge arnalǵan basym maqsattaryn jarııa etti.