Prezıdent Joǵary Eýrazııalyq ekonomıkalyq keńestiń shaǵyn formatta ótken otyrysyna qatysty
19:46, 08 Mamyr 2024
<p>ASTANA. KAZINFORM - Prezıdent Joǵary Eýrazııalyq ekonomıkalyq keńestiń shaǵyn formatta ótken otyrysyna qatysty, dep habarlaıdy Aqordanyń baspasóz qyzmeti. </p>
Memleket basshysy Qasym-Jomart Toqaev Máskeýde ótip jatqan Joǵary Eýrazııalyq ekonomıkalyq keńestiń (JEEK) kezekti otyrysyna qatysty.
Sammıtke Qazaqstan Prezıdentimen qatar, Armenııa Premer-mınıstri – JEEK tóraǵasy Nıkol Pashınıan, Reseı Prezıdenti Vladımır Pýtın, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, sondaı-aq Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev qatysty.
Memleketter basshylary Eýrazııalyq ekonomıkalyq odaq aıasyndaǵy yqpaldastyqtyń mańyzdy mindetteri men negizgi baǵyttaryn talqylady. Sondaı-aq EAEO qyzmetiniń jekelegen aspektileri jóninde pikir almasty.