Prezıdent Joǵarǵy sot tóraǵasy Aslambek Merǵalıevti qabyldady

<p>Prezıdent Joǵarǵy sot tóraǵasy Aslambek Merǵalıevti qabyldady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordaǵa silteme jasap.&nbsp;</p>

Memleket basshysyna sot júıesiniń qazirgi qyzmeti jóninde málimet berildi.

Aslambek Merǵalıev Prezıdenttiń derbes kassatsııalyq ınstantsııa qurý úshin konsýltatsııalar ótkizý týraly tapsyrmasynyń oryndalý barysy týraly baıandady.

Zańgerlermen, ǵalymdarmen, bıznes-qoǵamdastyq ókilderimen jáne Parlament palatalarynyń depýtattarymen birlese talqylaý jumystary júrgizilip, sonyń negizinde elordada (qylmystyq, azamattyq jáne ákimshilik ister boıynsha) úsh kassatsııalyq sot qurý modeline oń baǵa berildi.

Joǵarǵy sot aldyn ala qaraý ınstıtýtyn joıýdy, «tolyq kassatsııany» qoldanýdy, qaralýy 6 aıdan aspaıtyn «aqylǵa qonymdy merzim» belgileýdi, sondaı-aq taraptardyń mindetti túrde qatysýymen sot protsesin júrgizýdi usynady.

Óz kezeginde joǵary sot organy qadaǵalaý isine jáne sot praktıkasynyń biryńǵaı bolýyn qamtamasyz etýge basa mán beredi.

Sonymen qatar Qasym-Jomart Toqaevqa ákimshilik ádilettiń jumysy men halyqaralyq yntymaqtastyqty damytý máselesi jóninde aıtyldy.

Joǵarǵy sot tóraǵasy tsıfrlandyrý jáne sot qyzmetiniń ashyqtyǵy men sot tóreliginiń qoljetimdi bolýyn jaqsartý maqsatynda jasandy ıntellekt elementterin engizý jaıynda aıtty.

Memleket basshysy sot júıesinde júrgizilip jatqan reformalardyń sapasyna jáne barlyq satydaǵy isterdi qaraý kezinde zańdylyqty qamtamasyz etýge erekshe nazar aýdardy.