Prezıdent jerdiń ǵaryshtyq monıtorıngi boıynsha jobany júrgizýdi tapsyrdy
«Qoǵamdastyq, onyń ishinde Ulttyq komıssııa músheleri paıdalanylmaı jatqan jáne tıimsiz ıgerilip jatqan jerlerdi anyqtaý men qaıtarý úshin ǵaryshtyq monıtorıngke kóshý qajettigin atap ótti. Qazan aıynda agroónerkásiptik keshendi retteý máseleleri boıynsha Zańǵa qol qoıdym. Onda jerdi qashyqtyqtan zondtaý qadamdary eskerilgen. Naqty zańnamalyq negiz - ol birinshi qadam», - dep toqtaldy Memleket basshysy Ulttyq qoǵamdyq senim keńesiniń 2-otyrysynda
Osy oraıda Prezıdent endi jerdi paıdalaný shartyn buzý úshin negiz retinde ǵaryshtan túsirilgen beınelerdi paıdalaný múmkindigin pysyqtaý qajettigin atap ótti.
«Meniń tapsyrmam boıynsha Aýyl sharýashylyǵy mınıstrligi tıisti buıryqty daıarlady. Sonymen birge, atalǵan jumys barlyq táýekelderdi eskere otyryp júrgizilýde. Aýyl sharýashylyǵy mınıstrligi Tsıfrlyq damý mınıstrligimen birge barlyq daıyndyq jumystaryn aıaqtap, 2020 jyldyń 1 mamyryna deıin birqatar oblystarda jerdiń ǵaryshtyq monıtorıngi boıynsha qanatqaqty jobany júrgizýi tıis», - dedi Q. Toqaev.