Prezıdent jer telimderin qandaı ınvestorlarǵa usynýǵa bolatynyn aıtty

NUR-SULTAN. QazAqparat – Mańyzdy ındýstrııaldyq jobalardy qolǵa alǵan kásipkerlerge salyq jeńildikterin bermeı-aq, jer telimderin usyný qajet. Prezıdent Qasym-Jomart Toqaev Qazaqstan halqyna Joldaýy barysynda Úkimetke osyndaı tapsyrma júktedi, dep habarlaıdy QazAqparat tilshisi.

«Jumys isteıtin salasy negizgi baǵyt bolmasa da, mańyzdy ındýstrııaldyq jobalardy júzege asyratyn ınvestorlar bar. Olarǵa salyq jáne keden jeńildikterin usynbaı-aq, jer telimderin berýge bolady», - dedi Memleket basshysy.

Al, ınvestıtsııalyq mindettemesin adal oryndaıtyn kásiporyndarǵa jer telimi jekemenshikke de berýilýi múmkin.

«Olarǵa arnaıy ekonomıkalyq aımaqtan jer telimin jekemenshikke berý máselesin sheshý qajet. Jalpy, ınvestıtsııa tartý jumysyn júıeli júrgizý kerek. Bul – Úkimettiń aldynda turǵan basty mindettiń biri», - dedi Qasym-Jomart Toqaev.

Sondaı-aq, búgin Prezıdent Úkimettiń jumysyn synǵa aldy.

Foto: pixel-shot.com