Prezıdent jeke ınvestıtsııaǵa salynǵan Smart Bilim mektep-gımnazııasyn aralady
19:11, 06 Jeltoqsan 2023
<p>Memleket basshysy Aqtóbe qalasynda jeke ınvestıtsııa esebinen salynǵan Smart Bilim mektep-gımnazııasyna bardy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Aqordaǵa silteme jasap. </p>
Prezıdent bilim oshaǵyndaǵy sport zalyn, ashanany jáne shyǵarmashylyq oılaý júıesin damytýǵa arnalǵan ArtLab kabınetin aralap kórdi.
Sondaı-aq 1-11 synyp oqýshylaryn negizgi ІT baǵyttar boıynsha 3D-modeldeýge baýlıtyn ArtNationkz bilim berý jobasymen tanysty.
Kásipkerdiń jeke qarajatyna salynǵan bul mektep-gımnazııa bıyl qyrkúıek aıynda ashyldy.
Onyń qurylysyna 5,7 mıllıard teńge jumsalǵan. Nysannyń aýmaǵy – 122 myń sharshy metr.
Búginde mektepte 3600 oqýshy bilim alyp jatyr.
Memleket basshysy mektep oqýshylarymen áńgimelesip, olardyń oqýda tabysty bolýyna tilektestik bildirdi.