Prezıdent: Jaıyq ózeni qatty sýalyp, ekologııalyq ahýaly nasharlap barady

NUR-SULTAN. QazAqparat – Sý resýrstaryn saqtaý jáne tıimdi paıdalaný – asa mańyzdy mindet. Úkimettiń keńeıtilgen otyrysynda QR Prezıdenti Qasym-Jomart Toqaev osylaı málim etti, dep habarlaıdy QazAqparat Aqordanyń Twitter-degi paraqshasyna silteme jasap.

«Sý resýrstaryn saqtaý jáne tıimdi paıdalaný – asa mańyzdy mindet. Bul – ulttyq qaýipsizdik pen ornyqty damýdy qamtamasyz etý máselesi. Meniń tapsyrmam boıynsha Sý resýrstaryn basqarýdyń ulttyq jobasy daıyndaldy», - dedi Qasym-Jomart Toqaev.

Memleket basshysy Jaıyq ózeniniń qatty sýalyp bara jatqanyna alańdaýshylyq bildirdi.

«Qazir Jaıyq ózeni qatty sýalyp, ekologııalyq ahýaly kúrt nasharlap barady. Byltyrǵy jeltoqsanda Qazaqstan-Reseı yntymaqtastyǵynyń 2024 jylǵa deıingi baǵdarlamasy qabyldandy. Bul qujattyń negizgi maqsaty – Jaıyq ózeni ańǵarynyń ekojúıesin saqtaý», dedi Prezıdent.