Prezıdent «Jas maman» baǵdarlamasyn ázirleýdi júktedi
«Úkimet 100/200 qaǵıdasy boıynsha «Jas maman» baǵdarlamasyn ázirleýi kerek. Úsh jylda joba elimizdiń barlyq óńirinde 200 myńǵa tarta jas azamattarymyzdy qamtýy tıis. Onyń aıasynda eń suranysqa ıe ındýstrıaldyq-servıstik 100 kásip boıynsha jetildirilgen 200 oqý orny bazasynda mamandardy daıarlaǵymyz keledi», - dedi Prezıdent.
Osy oraıda Memleket basshysy ár óńirde bir ýnıversıtetti úzdik etý kerektigin atap ótti. Bul turǵyda bul ýnıversıtetter sheteldik bilikti professorlardy shaqyrtýǵa qaýqarly bolýy kerek. Sonymen qatar, ár oblysta zamanaýı tehnologııamen qamtamasyz etilgen úzdik 10 kolledj qamtylýy qajettigi aıtyldy. ıAǵnı bul sharalar 100/200 qaǵıdasy arqyly iske asyrylady. Jańartylǵan oqý baǵdarlamasyna, bilikti oqytýshylyq quramyna nazar aýdarylady. Osy jumystarǵa qajetti qarjy bólinip, mamandardy oqytý boıynsha qazirgi zamanǵy jabdyqtar satyp alynady.
«Bul mańyzdy jumysqa Qazaqstannyń óńirlerindegi barlyq júıe quraýshy kásiporyndar men iri bıznestiń qatysýyn shaqyramyn. Atalǵan bilim berý ortalyqtarynda jastardyń ınnovatsııalyq jobalaryn qoldaý úshin startap-ortalyqtar iske qosylady. Nátıjesinde, 3 jylda 200 myńnan astam mamandy jańa standarttarmen daıarlaı alamyz, sondaı-aq 15 myńnan oqytýshynyń biliktiligin arttyramyz», - dedi Nursultan Nazarbaev.