Prezıdent janyndaǵy memlekettik basqarý akademııasyna qujat qabyldaý bastaldy
Dóńgelek ústel barysynda QR Prezıdenti janyndaǵy memlekettik basqarý akademııasynyń rektory Erlan Qýanyshuly Ábil 2022 jyly akademııaǵa túsýdiń erejelerin, talaptaryn, jańashyldyqtar men akademııada bilim alýdyń artyqshylyqtary týraly aıtyp berdi.
Eske salaıyq, akademııaǵa oqýǵa túsýge qujattar 2022 jyldyń 1 naýryzynda bastaldy, 23 shildege deıin jalǵasady. Qujattar onlaın formatta akademııanyń arnaıy aqparat júıesinde qabyldanady.
Akademııada memlekettik qyzmetshilerdi daıarlaý 10 magıstratýra baǵdarlamasy jáne 3 doktorantýra baǵdarlamasy boıynsha júzege asyrylady.
Mamandardy daıarlaýǵa bólingen bıylǵy memlekettik tapsyrys kólemi 132 oryndy quraıdy, onyń ishinde 120 oryn – magıstratýra, 12 oryn – doktorantýraǵa qarastyrylǵan.
Akademııada oqýdyń birqatar artyqshylyqtary bar.
- úsh tilde oqytý: qazaq, orys, aǵylshyn, onyń ishinde keıinnen sertıfıkattaý múmkindigimen kúsheıtilgen tildik daıarlyq: Professional English for International Relations, dıplomatqa arnalǵan frantsýz tili (MIR);
- jekelegen pánder boıynsha dárister berý úshin jetekshi sheteldik jáne qazaqstandyq sarapshylardy, memlekettik basqarý jáne dıplomatııalyq qyzmet salasyndaǵy praktık mamandardy tartý;
- áleýmettik jáne kásibı netvorkıngtiń damýy, ózara oqytý (peer learning);
- akademııalyq utqyrlyq sheńberinde sheteldik seriktes ýnıversıtetterde bilim alý múmkindigi;
- sheteldik seriktes joǵary oqý oryndarynda, halyqaralyq uıymdarda, sonymen qatar Qazaqstan Respýblıkasynyń dıplomatııalyq ókildikteri men jetekshi dıplomatııalyq mektepterde taǵylymdamadan ótý múmkindigi;
- seriktes joǵary oqý oryndary bazasynda 2 dıplomdyq bilim alý múmkindigi (AQSh, BAÁ) - MPA, EMPA, MPP, ME baǵdarlamalary úshin;
- jumys orny men laýazymynyń saqtalýy, úzdiksiz eńbek ótili;
- qyzmettik jalaqy kóleminde stıpendııa;
- jas memlekettik qyzmetshilerge arnalǵan úıden bólme berý.
Talapkerlerge qoıylatyn negizgi talaptar - memlekettik organnyń joldamasy qajet, ol bolmaǵan jaǵdaıda, memlekettik qyzmetshi joldamany akademııaǵa oqýǵa aldyn ala qabyldaý qorytyndylary boıynsha usyna alady.
Aǵylshyn tilin bilý deńgeıin rastaıtyn halyqaralyq sertıfıkattardyń biri (IELTS nemese TOEFL nemese IELTS INDISATOR, APTIS**, TOEIC, PIPPLET) magıstratýraǵa - IELTS keminde 4,0 (V1), EMBA baǵdarlamasyna – IELTS keminde 5,5, doktorantýraǵa - IELTS keminde 5,5 (V2), sonymen qatar, memlekettik tildi bilý deńgeıin rastaıtyn sertıfıkattardyń biri, QazResmiTest nemese Qaztest (V1 deńgeıinen tómen emes) qajet.
Magıstratýraǵa túsý úshin memlekettik qyzmetshiler úshin keminde 2 jyl, doktorantýraǵa keminde 3 jyl eńbek ótiliniń bolýy - negizgi talap.
Akademııada oqýǵa túsý úshin daıyndyq kýrstary qarastyrylǵan, olar sáýir aıynyń basynan maýsym aıynyń sońyna deıin júrgiziledi.
Konkýrstyq irikteý kezeńderin ótkizý kezinde akademııa ashyqtyq, parasat jáne klıentke baǵdarlaný qaǵıdattarynyń saqtalýyn qamtamasyz etedi.