Prezıdent: Jańa jyl – mańyzdy meje, áz-Naýryzdy da esten shyǵarmaǵan jón

<p>Jańa jyl &ndash; kúntizbeniń jańa paraǵyn ashatyn mańyzdy meje, alaıda áz-Naýryzdy da esten shyǵarmaǵan jón. Bul týraly Memleket basshysy Qasym-Jomart Toqaev Egemen Qazaqstan gazetine bergen suhbatynda aıtty, dep habarlaıdy <a href="Kazinform" target="_blank" rel="noopener">Kazinform</a>.</p>

«Jańa jyl – árıne, kúntizbeniń jańa paraǵyn ashatyn mańyzdy meje. Osy sátte ótken jyldy qorytyndylap, keleshekke jospar qurý ádetke aınalǵan. Bir jaǵynan, Jańa jyl men úshin qasterli mereke emes. Onyń ústine, ózimizdiń tól jańa jylymyz – áz-Naýryzdy esten shyǵarmaǵan jón. Bul meıram – tirshilikti túlete keletin naǵyz tabıǵı jyl basy», - dedi Prezıdent.

Memleket basshysy Naýryz – jańarý men jańǵyrýdyń sımvoly ekenin, sondyqtan tól merekemizdiń mazmunyn baıytyp, ony barynsha erekshelep, jańasha atap ótýimiz keregin aıtty.

«Bul qadam qoǵamdy uıystyryp, ulttyq biregeıligimizdi aıshyqtap, el birligin nyǵaıta túsýge yqpal etedi dep senemin. Sóz sońynda barsha halqymyzǵa baq-bereke tileımin! Eń bastysy, elimiz aman, jurtymyz tynysh bolsyn! Qasterli Qazaqstanymyz ósip-órkendeı bersin!», - dedi Qasym-Jomart Toqaev.