Prezıdent jańa reformalar toptamasyn usyndy – Aıda Balaeva
«Shyn máninde Prezıdent memleket pen qoǵamnyń eń ózekti problemalary boıynsha sheshimder keshenin toptastyratyn jańa reformalar josparyn usyndy. Bul máseleler kóptegen adamdy tolǵandyrady. Olar aıtylyp ta, talqylanyp ta júr. Osylaısha, ár adamnyń kókeıinde júr edi. ıAǵnı, Prezıdent Joldaýynyń mysalynan-aq «estıtin memleket» tujyrymdamasynyń qanshalyqty tıimdi jumys isteıtindigin kórip otyrmyz», - dedi ol Memleket basshysy Joldaýyn talqylaýǵa arnalǵan onlaın dóńgelek ústel otyrysynda.
Mınıstrdiń aıtýynsha, eń aldymen Memleket basshysy 11 iri blokqa bóle otyryp, jalpymemlekettik sharalardyń negizgi baǵyttaryn aıqyndap berdi. Olar: ekonomıka, memlekettik basqarý, aýmaqtyq damý, tsıfrlandyrý, bilim berý, densaýlyq saqtaý, ekologııa, quqyq qorǵaý júıesi, áleýmettik saıasat, jańa qoǵamdyq qundylyqtar qalyptastyr jáne saıası reformalar taqyryby.
«Bul salalardyń barlyǵynda da úlken jumystar turǵandyǵy sózsiz. Degenmen, eń mańyzdysy – bul jumys koronavırýs ınfektsııasy indeti jaǵdaıynda júrgiziledi. Bul Prezıdent Joldaýynyń ıdeıalary men negizgi erejeleri tóńiregine qoǵamnyń shoǵyrlanýyn talap etedi. Eger negizgi máselelerge toqtalar bolsaq, qoǵamdyq-sası salada óte baıypty bastamalar kóterildi. Aýyl ákimderin tikeleı saılaý jolymen jergilikti ózin-ózi basqarýdy damytý nemese indet kezinde óziniń tıimdiligin kórsetken qoǵamdyq baqylaýdy sapaly jańa deńgeıge kóterý syndy baǵyttardy atap ótim keledi. Quqyq qorǵaý júıesinde, jekeleı alǵanda adam quqyǵyna qatysty máseleler toptamasyna erekshe nazar aýdaryldy. Buǵan qosa, óńirlerdi damytý salasynda óte mańyzdy qadam jasaldy. Budan keıin eldiń aýmaqtyq damýy óńir erekshelikterine basymdyq berile otyryp júzege asyrylady», - dedi Aıda Balaeva.