Prezıdent: Jaǵdaı turaqtalǵan óńirlerde birtindep tótenshe jaǵdaı rejımin alamyz

NUR-SULTAN. QazAqparat – Ahýal turaqtanǵan óńirlerde tótenshe jaǵdaı rejımi birtindep alynady. Bul týraly Memleket basshysy Qasym-Jomart Toqaev aıtty, dep habarlaıdy QazAqparat tilshisi.

« Beıbit sherýde qoıylǵan talaptardyń bárin eskeremiz. Dıalogtyń nátıjesinde kompromıske kelip, ótkir áleýmettik-ekonomıkalyq máseleler boıynsha sheshimder qabyldandy. Sondyqtan jaǵdaı turaqtalǵan óńirlerde birtindep tótenshe jaǵdaı rejımin alamyz », - dedi Qasym-Jomart Toqaev Qazaqstan halqyna úndeýinde .

QR Prezıdentiniń málimetinshe, Almaty, Aqtóbe qalalary men Almaty oblysyndaǵy jaǵdaı qalpyna keltirildi.

«Engizilgen tótenshe jaǵdaı rejımi óz nátıjesin berdi. Búkil elimiz boıynsha konstıtýtsııalyq zańdylyq ornatyldy. Biraq terrorıster memlekettik jáne jeke azamattardyń dúnıe-múlkine áli de zalalyn keltirip, azamattarǵa qarsy qarý qoldanýda», - dedi Memleket basshysy.