Prezıdent Vıktor Orbandy «Dostyq» ordenimen marapattady

<p>Memleket basshysy Qasym-Jomart Toqaev Majarstan Premer-Mınıstri Vıktor Orbandy І dárejeli &laquo;Dostyq&raquo; ordenimen marapattady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Siz Qazaqstanda kórnekti saıası kóshbasshy, ýaqyt synynan ótken, álemdik arenada úlken qurmetke laıyq dos retinde tanymalsyz. Osyǵan baılanysty sizdiń qazaq-majar qarym-qatynasyn damytýǵa udaıy qosyp kele jatqan úlesińizdi jáne kórnekti basqarýshylyq qabiletińizdi joǵary baǵalaıtynymyzdy aıtqym keledi. Kóp jaǵdaıda sizdiń qaltqysyz kúsh salýyńyzdyń, myzǵymas jeke ustanymyńyzdyń arqasynda eki aradaǵy áriptestiktiń keleshegine úlken optımızmmen, tyń talpynyspen qaraımyz», — dedi Qasym-Jomart Toqaev Aqordada.

Foto: Aqorda

Prezıdent Majarstan Premer-Mınıstriniń qos halyqtyń yntymaǵy jolynda sińirgen eńbegine erekshe toqtaldy.

«Sizdi І dárejeli „Dostyq“ ordenimen marapattaý jóninde sheshim qabyldadym. Bul — tereń qurmet pen izettiń, tatý halyqtarymyzdyń birliginiń, qarym-qatynasymyzdy nyǵaıtýǵa degen berik yntanyń, ózara qurmetke qurylǵan senimniń sımvoly», — dedi Memleket basshysy.

Buǵan deıin Aqordada Majarstan Premer-Mınıstrin qarsy alý saltanaty ótkenin jazǵan edik.

Qasym-Jomart Toqaev Vıktor Orbanmen kezdesý kezinde eki eldiń baýyrlastyq baılanysy týraly aıtty.

Eske salsaq, keshe keshke Vıktor Orbandy Astana áýejaıynda vıtse-premer Serik Jumanǵarın kútip alǵan bolatyn.

Qazaqstan basshylyǵymen kelissóz barysynda Qazaqstan men Majarstan arasyndaǵy saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy yntymaqtastyqty odan ári tereńdetý máseleleri talqylandy.