Prezıdent: Venchýrlyq kapıtal naryǵyn damytýymyz kerek

<p>Venchýrlyq kapıtal naryǵyna halyqaralyq oıynshylardy tartý mańyzdy. Bul týraly &laquo;Digital Bridge 2023&raquo; halyqaralyq tehnologııalyq forýmynda Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/lenta/" target="_blank" rel="noopener">Kazinform</a>.</p>

«Innovatsııanyń jáne tehnologııalyq progrestiń eń mańyzdy qozǵaýshy kúshi retinde venchýrlyq kapıtal naryǵyn damytýymyz kerek. Qazaqstan startaptarǵa ınvestıtsııa salýdy yntalandyrý úshin ınstıtýttyq jáne zańnamalyq bazany dáıekti túrde jetildirip keledi. Byltyr venchýrlyq kelisimderdiń ortasha mólsheri eki ese artty. Bul – qýantarlyq jaıt. Osy oraıda atalǵan salany retteıtin normatıvtik-quqyqtyq aktiler bazasyn AQSh, Sıngapýr jáne Gonkong elderinde qoldanylatyn úzdik tájirıbemen sáıkestendirý qajet. Sonymen qatar venchýrlyq kapıtal naryǵyna halyqaralyq oıynshylardy tartýdyń mańyzy zor», - dedi Prezıdent.

Memleket basshysy qazir jasandy ıntellekt óte qarqyndy damyp jatqanyn aıtty.

«Sonyń arqasynda ınklıýzıvti jáne turaqty damýǵa arnalǵan tyń múmkindikter paıda bolýda. Bul salada jahandyq báseke óte joǵary. Qazaqstan osy úrdisten tys qalmaýy kerek. Bul – zaman talaby. Sondyqtan biz qazir ozyq tehnologııany damytýǵa aıryqsha nazar aýdaryp otyrmyz. Qazirgi mindet – elimizdegi ІT-mamandardyń, sarapshylardyń, ǵalymdardyń basyn qosyp, olardyń kúsh-jigerin tıimdi paıdalaný. Sondaı-aq halyqaralyq seriktesterdiń zor múmkindikterin elimizdiń kádesine jaratý», - dedi Qasym-Jomart Toqaev.