Prezıdent: Ulttyq tabysty ádil bólý - kez kelgen memlekettiń basty mindeti
Forýmdy túıindegen Qasym-Jomart Toqaev ınvestorldar úshin áleýmettik jaýapkershiliktiń negizgi elementin atady.
«Bilikti maman - kez kelgen kompanııanyń basty baılyǵy. Sondyqtan, kompanııanyń tabysyn arttyrý úshin qyzmetkerlerge tólenetin aqylǵa qonymdy syıaqy ósimin qamtamasyz etý kerek. Bul - áleýmettik jaýapkershiliktiń negizgi elementi. Bul otandyq kásiporyndarǵa da, sheteldik qatysy bar kompanııalarǵa da qatysty. Ulttyq tabystyń ádil bólinýi - kez kelgen memlekettiń eń basty mindeti», - dedi Prezıdent.
Memleket basshysy búgingi forýmnyń jemisti jumys istegenin aıta kelip, sheteldik ınvestorlar keńesiniń kezekti basqosýynda shıkizattyq emes eksport máselesin talqylaýdy usyndy.
«Qazir Úkimet bilim men ǵylymdy damytýdyń jańa memlekettik baǵdarlamasyn jasap jatyr. Baǵdarlama jobasyn qoǵamnyń talqysynan ótkizip, jumys berýshilermen de, ınvestorlarmen de talqylaý kerek. Búgingi dıalog adam kapıtalyn damytýdyń ózekti máselelerine qatysty boljamdarymyzdy aıqyndap berdi. Keńestiń kelesi plenarlyq otyrysyn «Shıkizattyq emes ekportty damytý» degen taqyrypta ótkizýdi usynamyn. Bul - óte ózekti», - dedi ol.
Keńes músheleri QR Prezıdentiniń bul usynysyn biraýyzdan qoldady. Aıta keteıik, forým barysynda Qasym-Jomart Toqaev álemdik ekonomıka ósimine qatysty boljam nasharlap bara jatqanyn aıtqan bolatyn.