Prezıdent Ulttyq shuǵyl medıtsınany úılestirý ortalyǵyna bardy

<p>ASTANA. KAZINFORM &ndash; Memleket basshysy medıtsınalyq avıatsııa jáne jedel járdem qyzmetteriniń, naýqastardy qabyldaý bólmeleriniń jumysyn úılestiretin ortalyqtyń qyzmetimen tanysty. Keshende 250 oryndyq statsıonar bar, dep habarlaıdy Aqordanyń baspasóz qyzmeti.</p>

Foto: akorda.kz

Ulttyq shuǵyl medıtsınany úılestirý ortalyǵynyń basqarma tóraǵasy Tımýr Muratovtyń aıtýynsha, mekemede 29 baǵyt boıynsha emdeý isin júrgizetin 9 klınıkalyq departament qurylady. Munda jylyna 18 myńnan astam naýqas emdele alady.

Prezıdent zamanaýı quraldarmen, sonyń ishinde mobıldi kompıýterlik tomograf jáne OR-1 júıesimen jabdyqtalǵan operatsııa zaldaryn aralap kórdi.

Foto: akorda.kz

Memleket basshysy ortalyqtyń qyzmetkerlerimen áńgimelesý barysynda mundaı biregeı nysannyń iske qosylýyn otandyq medıtsınanyń zor jetistigi dep baǵalady. Sonymen qatar mekemege bilikti mamandardy kóptep tartý qajet ekenine nazar aýdardy.

Qasym-Jomart Toqaev ujymnyń jumysyna tabys tilep, ortalyqqa reanımobıl syılady.

Foto: akorda.kz

Osyǵan deıin Memleket basshysy Ulttyq ǵylymı onkologııa ortalyǵynyń jańa korpýsyn aralap kórdi.

Foto: akorda.kz