Prezıdent Ulttyq ǵylym akademııasynyń prezıdenti Aqylbek Kúrishbaevty qabyldady

<p>ASTANA. KAZINFORM &ndash;&nbsp;<a target="_blank">Aqylbek Kúrishbaev</a> Ulttyq ǵylym akademııasynyń byltyrǵy atqarǵan qyzmetiniń negizgi nátıjeleri jóninde baıandady. Bul týraly Aqordanyń baspasóz qyzmeti habarlady.</p>

Aqylbek Kúrishbaev 2024 jyly otandyq ǵylymnyń jaǵdaıyn baǵamdap, salany damytýdyń basym baǵyttaryn aıqyndaý maqsatynda júrgizilgen keshendi jumys jóninde málimet berdi.

Aıtýynsha, byltyr baǵdarlamalyq-nysanaly qarjylandyrý kózdelgen 113 ǵylymı-tehnıkalyq tapsyrmaǵa saraptama júrgizilgen, sondaı-aq 3 ıntegratsııalanǵan pánaralyq ǵylymı-tehnıkalyq baǵdarlama ázirlengen.

Qasym-Jomart Toqaev otandyq ǵylymnyń áleýetin arttyrý úshin odan ári júıeli sharalar qabyldaý qajet ekenine nazar aýdardy.

Taıaýda Ulttyq ǵylym akademııasyna Prezıdent janyndaǵy joǵary ǵylymı uıym mártebesin beretin Jarlyqqa qol qoıyldy. Úkimetke atalǵan Jarlyqty júzege asyrýǵa qatysty quqyqtyq máselelerdi jedeldetý týraly tapsyrma berildi.

Sondaı-aq ǵylymdy qarjylandyrý 3,5 ese ulǵaıdy, «Ǵylym jáne tehnologııalyq saıasat týraly» jańa zań qabyldandy. Jas ǵalymdardy áleýmettik turǵydan qoldaý kúsheıtildi. Prezıdenttiń tapsyrmasymen olarǵa baspana berilip jatyr.

Memleket basshysy Ulttyq ǵylym akademııasyna birqatar mindet júktedi.

Ǵylymdy kommertsııalandyrý salasynda bıyl elimizde qandaı jetistikter bolǵanyn jazǵan edik.