Prezıdent Ulttyq Bank tóraǵasy Tımýr Súleımenovti qabyldady
Tımýr Súleımenov Ulttyq Banktiń bıylǵy jartyjyldyqta júzege asyrǵan aqsha-kredıt saıasatynyń qorytyndysy týraly esep berdi. Qazaqstandaǵy jáne álemdegi ekonomıkalyq jaǵdaıdyń damý barysy jáne ınflıatsııanyń qarqyny men ony turaqtandyrý sharalary jóninde baıandady. Jyldyq ınflıatsııanyń báseńdegenin jáne ishki ekonomıkada proınflıatsııalyq faktorlardyń saqtalyp otyrǵanyn aıtty.
Biryńǵaı jınaqtaýshy zeınetaqy qorynyń aktıvteri men altyn-valıýta rezervteriniń jaı-kúıine toqtaldy.
Ulttyq tólem júıesi men ashyq bankıng prıntsıpterin damytý jáne qazaqstandyqtardyń qarjysyn alaıaqtardan qorǵaý úshin antıfrod-ortalyq qurý jobalaryn júzege asyrýǵa qatysty Memleket basshysy bergen tapsyrmalardyń oryndalý barysy týraly aıtty.
Kezdesý sońynda Qasym-Jomart Toqaev Ulttyq Banktiń qyzmetine, sonyń ishinde ınflıatsııany odan ári turaqtandyrý jáne tsıfrlyq qarjylyq ınfraqurylym jasaý jóninde birqatar tapsyrma berdi.