Prezıdent ultqurý protsesiniń jaı-kúıine taldaý jasaýdy tapsyrdy

ASTANA. QazAqparat – Úkimet jyl sońyna deıin ultqurý protsesiniń jaı-kúıine taldaý jasaý qajet. Bul týraly Qazaqstan halqy Assambleıasynyń HHHІІ sessııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Memlekettik saıasattyń tıimdiligin arttyrý úshin keshendi taldaý qajet. Úkimet jyl sońyna deıin tıisti ózekti usynymdarmen ult qurý protsesiniń aǵymdaǵy jaı-kúıin taldaı otyryp, saraptamalyq baıandama daıyndaýy tıis», - dedi Memleket basshysy.

Prezıdenttiń paıymynsha, osy másele boıynsha ǵylymı zertteýlerge erekshe nazar aýdarý qajet.

«Memlekettik organdardyń ǵylymı usynystarǵa nemquraıly qaraýy, kóbine keri baılanyssyz qalady. Bul, jalpy, baıypty áńgime úshin úlken taqyryp. Beıindi mınıstrlikterden, Memlekettik basqarý akademııasynan ǵylymı-taldama jumysynyń sapasyn arttyrý jáne praktıkalyq qaıtarymy boıynsha naqty usynystar kútemin», - dedi Qasym-Jomart Toqaev.