Prezıdent Ýkraınadaǵy ahýaldyń ýshyǵýyna baılanysty shuǵyl sharalar qabyldaýdy tapsyrdy

<p>ASTANA. KAZINFORM &ndash; Memleket basshysy Ýkraınadaǵy ahýaldyń ýshyǵýyna baılanysty elimizdegi tıisti qurylymdarǵa shuǵyl sharalar qabyldaýdy tapsyrdy. Bul týraly QR Prezıdentiniń keńesshisi &ndash; Prezıdenttiń Baspasóz hatshysy Berik Ýálı málimdedi.</p>

«Memleket basshysy Qasym-Jomart Toqaev Premer-Mınıstrge, Prezıdent Ákimshiliginiń Basshysyna jáne kúshtik qurylymdardyń jetekshileri men barlyq ákimderge Ýkraına tóńiregindegi jaǵdaıdyń ýshyǵýyna baılanysty negizgi áskerı jáne azamattyq nysandardyń qaýipsizdigin qamtamasyz etý jóninde shuǵyl sharalar qabyldaýdy tapsyrdy», — dep jazdy Berik Ýálı áleýmettik jelidegi paraqshasyna.

Derekke qaraǵanda, Parlament palatalarynyń tóraǵalary da qabyldanyp jatqan is-qımyl týraly habardar etildi.

«Prezıdent elimizdegi jaǵdaıdy óz baqylaýynda ustap otyr.

Bizdiń elimiz úshin basty strategııalyq maqsat — turaqtylyqty, tynyshtyqty, zań men tártip ústemdigin saqtaý.

Qazaqstan slavıan eki halyq arasyndaǵy qaqtyǵysty kelissóz arqyly toqtatý qajet ekenin birneshe ret málimdegen bolatyn», — dep olyqtyrǵan Prezıdenttiń Baspasóz hatshysy.