Prezıdent Úkimetke ýtılalym boıynsha usynys daıyndaýdy tapsyrdy

NUR-SULTAN. QazAqparat – Memleket basshysy Qasym-Jomart Toqaev ýtılalym tóńiregindegi daýǵa qatysty pikir bildirdi, dep habarlaıdy QazAqparat tilshisi.

«Búginde bıznestiń avtomobılderge, birinshi kezekte jartylaı tirkemeli kólikterge salynatyn ýtıl alymdy qaıta qaraý týraly shaǵymy kóp. Bir júk tartqysh úshin ýtıl alym ortasha eseppen 1 mln teńge bolyp otyr. Júk tasymaldaýshylar úshin ýtıl alymy aıtarlyqtaı salmaq. Bul avtoparktiń jańarýyna keri áser etýde», - dedi Prezıdent.

Memleket basshysynyń aıtýynsha, osynyń saldarynan elimiz halyqaralyq júk tasymaly naryǵyndaǵy tabystyń kóp bóligi kórshi elderge ketip jatqan kórinedi.

«Qazaqstanda halyqaralyq júk tasymalyna 7,5 myń tirkemeli kólikter jumys isteıdi. Reseıdiń halyqaralyq tasymalynda 34 myń, Belaýr elinde 15 myń, Ózbekstanda 8 myń kólik qatysýda. Otandyq kásiporyndar naryqta ornyn joǵaltýda. Kórshilerimizden utylyp jatyrmyz degen sóz. 2017 jyldan beri otandyq tasymaldaýshylardyń halyqaralyq tasymal naryǵyndaǵy úlesi 1,5 eseden astam qysqarǵan. Sondyqtan, Úkimetke bul saladaǵy saıasatty jetildirý, onyń ishinde ýtılalym boıynsha usynys daıyndaý kerek», - dedi Qasym-Jomart Toqaev.