Prezıdent Úkimetke turǵyn úı saıasatyn jetildirý boıynsha jańa usynystar ázirleýdi tapsyrdy

NUR-SULTAN. QazAqparat – Úkimet eki aptalyq merzimniń ishinde turǵyn úı saıasatyn jetildirý boıynsha usynystardyń jańa toptamasyn ázirleýi tıis. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

Biz «5-10-20» turǵyn úı baǵdarlamasyn iske qostyq. Ol halyq tarapynan úlken qyzyǵýshylyq týdyrdy. Qazirdiń ózinde 5 myńnan astam zaem berildi. Osy baǵdarlamanyń aıasynda óńirlerde qoljetimdi kredıttik úıler salynyp jatyr. Degenmen, onyń júzege asyrý qarqynynyń tómendegeni baıqalady. 9,5 myń ǵana turǵyn úı salynǵan nemese jospardyń 56 paıyzy ǵana oryndalyp otyr. Úkimetke eki aptalyq merzimniń ishinde turǵyn úı saıasatyn jetildirý boıynsha usynystardyń jańa toptamasyn engizýdi tapsyramyn», - dedi QR Prezıdenti.