Prezıdent Úkimetke «Otbasynyń tsıfrlyq kartasyn» jyl aıaǵyna deıin iske qosýdy tapsyrdy

ASTANA. QazAqparat – «Otbasynyń tsıfrlyq kartasy» ataýly áleýmettik kómektiń dittegen adamdarǵa jetýin qamtamasyz etedi. Digital Bridge 2022 tehnologııalyq forýmynda Prezıdent Qasym-Jomart Toqaev osnydaı oı aıtty, dep habarlaıdy QazAqparat tilshisi.

«Qazaqstan tsıfrlyq qujattardy tolyqqandy engizip jatyr. Bul protsess ári qaraı jetildirýdi qajet etedi. Memleket azamattarmen jáne bıznespen qarym-qatynasynda proaktıvti túrde áreket etetin bolady. Bul memlekettik qyzmetter azamattarǵa ótinimdi kútpesten, aldyn ala kórsetiledi degen sóz. Búginde áleýmettik basym baǵytqa jatatyn 25 qyzmet proaktıvti formatqa kóshirilgen. Onyń ishinde járdemaqy taǵaıyndaý, balabaqsha kezegine turý, múgedektikti belgileý, zeınetaqy tólemin jasaý sııaqty qyzmetter bar», - dedi Memleket basshysy.

Sonymen qatar, Prezıdent jyl aıaǵyna deıin qoldanysqa engilizetin «Otbasynyń tsıfrlyq kartasynyń» artyqshylyqtaryna toqtaldy.

«Odan bólek, «Otbasynyń tsıfrlyq kartasy» engizilip jatyr. Bul qural naqty ýaqyt rejıminde 80-nen astam ólshemdi taldaı alady. Bul qıyn jaǵdaıǵa tap bolǵan otbasylarǵa jedel ári artyq qaǵazbastylyqsyz kómek kórsetýge múmkindik beredi.

Eń bastysy, atalmysh qural shyn mánindegi ataýly áleýmettik kómek júıesine kóshýge múmkindik beredi. Úkimet atalǵan tsıfrlyq servısti jyl aıaǵyna deıin iske qosý qajet», - dedi Qasym-Jomart Toqaev.

Foto: t.me/bort_01