Prezıdent Úkimetke monoqalalarǵa bólinetin qarjy kólemin arttyrý boıynsha tapsyrma berdi
11:15, 05 Qazan 2022
QARAǴANDY. QazAqparat - Úkimet monoqalalardyń kommýnaldyq jelilerin jóndeýge jumsalatyn qarjy kólemin arttyrýy qajet. Bul týraly Prezıdent Qasym-Jomart Toqaev Qaraǵandy oblysy jurtshylyǵymen kezdesýinde málim etti, dep habarlaıdy QazAqparat Aqordanyń baspasóz qyzmetine silteme jasap.
«Shaǵyn qalalardaǵy taǵy bir másele – ınjenerlik ınfraqurylymnyń ábden tozýy. Bul máseleniń sheshimin tabý úshin qomaqty qarajat kerek. Úkimet monoqalalardyń kommýnaldyq jelilerin jóndeýge jumsalatyn qarjy kólemin arttyrýy qajet. Sebebi, bizdiń azamattarymyz qaı qalanyń turǵyny bolsa da, taza, jasyl jelekke toly, baqýatty, gúldengen ortada ómir súrýi kerek. Ony qamtamasyz etý – memlekettiń mindeti», - dedi QR Prezıdenti.
Foto:t.me/bort_01