Prezıdent Úkimet basshysynyń orynbasarlary ne úshin qysqartylǵanyn eske saldy

ASTANA. QazAqparat - Mınıstrler men ákimderge sheshim qabyldaýda erkindik beriledi. Bul týraly búgin Aqordada Qazaqstan halqyna kezekti Joldaýyn jarııalaǵan Elbasy Nursultan Nazarbaev aıtty, dep habarlaıdy QazAqparat tilshisi.

«Úkimette ákimder men olardyń orynbasarlarynyń qatysýymen táýligine 7 jıyn ótkizetin kúnder de bolady. Baqytjan (QR Premer-Mınıstri Saǵyntaev - avt), sen óziń qaı ýaqytta jumys isteısiń? Sondyqtan da elimizde eshteńe de baqylanbaıdy. Tek qana otyrasyńdar. Men belgilegen tártipti oryndańdar. Adamdarǵa jumys isteýge, óz isimen aınalysýǵa múmkindik berińder. Biz ákimderge, mıınstrlerge sheshim qabyldaýda erkindik beremiz dep ýaǵdalastyq. Olar naqty mindettemelerdi alyp, olar týraly jarııa esep berýleri tıis», - dedi Nursultan Nazarbaev.

Elbasynyń aıtýynsha, mınıstrler óz betterinshe jumys isteýi úshin Úkimet basshysynyń orynbasarlary qysqartylǵanyn eske saldy.

«Vıtse-premer qaıtadan jınalysta otyr. Kabınetińde telefon bar, sony paıdalanyp sóılesý kerek, tapsyrma berý qajet. Bul bıýrokratızmniń eń joǵary shegi», - dedi Memleket basshysy.