Prezıdent Túrikmenstanǵa elshi bolyp taǵaıyndalǵan Nurlan Noǵaevty qabyldady

<p>ASTANA. KAZINFORM - Memleket basshysy Qazaqstannyń Túrikmenstandaǵy jańadan taǵaıyndalǵan elshisi Nurlan Noǵaevty qabyldady, dep habarlaıdy Aqordanyń baspasóz qóyzmeti.&nbsp;</p>

Kezdesý barysynda Qasym-Jomart Toqaev baýyrlas Túrikmenstanmen dostyq, tatý kórshilik jáne strategııalyq seriktestik baılanystaryn odan ári nyǵaıtýdyń mańyzdylyǵyn atap ótti.

Prezıdent ekijaqty yqpaldastyqty, onyń ishinde energetıka, kólik-tranzıt, saýda jáne mádenı-gýmanıtarlyq salalardaǵy yntymaqtastyqty damytý jóninde Nurlan Noǵaevqa birqatar mindet júktedi. Memleket basshysy aldaǵy ýaqytta ótetin joǵary deńgeıdegi kelissózderdiń mazmundy ári sapaly bolýyna basa nazar aýdarýdy tapsyrdy.