Prezıdent TRK men mońǵolııalyq MONTsAME ózara aqparat almasýǵa kelisti

<p>Keshe Ystanbul qalasynda Qazaqstan Respýblıkasy Prezıdentiniń Teleradıokesheni men Mońǵolııanyń &laquo;MONTsAME&raquo; ulttyq aqparat agenttigi yntymaqtastyq týraly memorandýmǵa qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Memorandýmǵa QR Prezıdentiniń Teleradıokesheni dırektorynyń orynbasary Tilegen Ábishev pen «MONTsAME» UAA bas dırektorynyń birinshi orynbasary Enhtýıaa Taıvanshar qol qoıdy. 

Osy kúnderi ótip jatqan Azııa jáne Tynyq muhıty Aqparat agenttikteri uıymy músheleriniń konferentsııasy men Atqarýshy Keńestiń 51-shi otyrysy alańynda taraptar qol qoıǵan qujat «MONTsAME» UAA men 2022 jyldan beri QR Prezıdentiniń Teleradıokesheni quramyna kiretin Kazinform agenttiginiń dástúrli jalǵasyp kele jatqan berik ári tyǵyz iskerlik qarym-qatynasyn rásimdeýge múmkindik berdi.

Taraptar medıa-kontent almasý, ortaq kontent jasaý, tilshiler jelisi resýrstaryna qol jetkizý jáne adam kapıtalyn damytý salasynda seriktestik týraly kelisti.

Prezıdent TRK dırektorynyń orynbasary T.Ábishevtiń aıtýynsha, Kazinform agenttigi men «MONTsAME» UAA seriktestigin tereńdetý turǵyndardy eki el jańalyqtarynan habardar etý múmkindigin arttyrady».

Prezıdent TRK dırektory orynbasarynyń sózinshe, «birlesip kontent jasaý men ony ulttyq jáne halyqaralyq dárejede taratý eki el arasyndaǵy mádenı-gýmanıtarlyq baılanystyń damýyna negiz bolady».

Enhtýıaa Taıvanshar seriktestik týraly ekijaqty qujattyń mańyzyn aıtyp, «Qazaqstan men Mońǵolııany ortaq tarıh pen adal qarym-qatynas baılanystyratynyn» atap ótti.

«Aldyńǵy qatarly BAQ seriktestigi yntymaqtastyqty nyǵaıtyp, eki halyqtyń qarym-qatynasyn nyǵaıtýǵa aıtarlyqtaı úles qosady», - dedi ol.

Qol qoıylǵan yntymaqtastyq týraly memorandým Prezıdent TRK sheteldik medıa-kompanııalarmen halyqaralyq kelisimder pýlyn tolyqtyrdy.

Olardyń qatarynda «Saudi Press Agency», «Petra», «Trend», «AZERTADJ» «Yonhap», «Armenpress», «ÝzA», «Hovar» bar.

QR Prezıdentiniń Teleradıokesheni – quramyna Jibek Joly respýblıkalyq telearnasy, halyqaralyq Silk Way jáne Silk Way Cinema telearnalary, Kazinform agenttigi men Derekti fılm ortalyǵy kiretin qazaqstandyq tolyq tsıkldi medıa-kompanııa.

«MONTsAME» UAA – 1942 jyldan beri jumys isteıtin jáne eldegi jańalyqtardy taratatyn jáne óndiretin Mońǵolııanyń ulttyq aqparat agenttigi.