Prezıdent TRK qyzmetkerleri mobılografııa kýrsynan ótti

NUR-SULTAN. QazAqparat – Elimizdegi keleshegi zor jas rejısserlerdiń biri Qyran Talapbek QR Prezıdenti teleradıo kesheniniń qyzmetkerleri úshin mobılografııadan oqytý kýrsyn ótkizdi, dep habarlaıdy QazAqparat tilshisi.

Qyran Talapbek bazalyq daǵdylardyń biri retinde oryn alǵan jaıtqa jedel áreket jasaı bilý mańyzdylyǵyn atap ótip, «Freımıng teorııasy» týraly – jańa daǵdylardyń kómegimen aýdıtorııaǵa belgili bir aqparatty tıimdi jetkizý jaıynda aıtyp berdi.

Rejısser zamanaýı jýrnalıstıkadaǵy mobılografııanyń mańyzdylyǵyna toqtap, smartfondaǵy vıedokamerany qalaı durys baptaý qajettigin túsindirdi. Onyń atap ótýinshe, ýaqyt aǵymynan qalyp qoımaý úshin medıakontentti durys paıdalaný qajet.

Ol vıdeokontentti qalaı durys montajdaý kerektigin is júzinde kórsetip, qandaı kadrlardy tańdap alý kerektigin túsindirdi. Sonymen qatar rejısser vıdeony montajdaý úshn túrli oqytý quraldarymen tanystyryp, júrip kele jatqan kezde vıdeony túsirý úshin qalaı durys qadam jasaý kerektigin kórsetti. Munan bólek, teleradıokeshen qyzmetkerleri telefonǵa túsiriletin suhbat negizimen tanystyrdy.

Іs-shara barysynda Qyran Talapbek qoıylǵan saýaldarǵa tuşymdy jaýap berdi.