Prezıdent TRK Halyqaralyq jýrnalıstıka mektebi stýdentterimen kezdesý ótkizdi
TRK jáne MNU birlesken jobasy Qazaqstanda daryndy jastardy qoldaý jáne kásibı damytý, qoǵam men memlekettiń zamanaýı kommýnıkatıvtik suranystaryna jaýap beretin jýrnalıstik korpýs qalyptastyrý boıynsha alǵashqy joba boldy.
«Biz Memleket basshysynyń tapsyrmasyn oryndadyq jáne Maqsut Narikbayev University-men birlesip Halyqaralyq jýrnalıstıka mektebin ashtyq. Mektep qazirdiń ózinde jumys isteıdi, onda bizdiń bolashaq áriptesterimiz oqyp jatyr. Bul rette, 10 talantty stýdent Teleradıokeshennen oqýǵa grant aldy», - dep atap ótti TRK Bas dırektory Raýshan Qajybaeva.
Kezdesý «jandy» qarym-qatynas jáne medıa damýynyń basty tendentsııalary, qazirgi zamanǵy BAQ aldynda turǵan mindetter týraly pikir almasý formatynda ótti. Bolashaq jýrnalısterdiń ulttyq medıa-júıeni, qazaqstandyq jýrnalıstıkanyń ereksheligi, elimizdegi jelilik, televızııalyq, baspa BAQ rólin damytý máselelerin erekshe qyzyǵýshylyǵyn týdyrdy.
Kezdesýge qatysýshylar «Jibek Joly» telearnasy, «QazAqparat» HAA, Derekti kıno ortalyǵy, Tsıfrlyq medıa jáne jyljytý dırektsııasy sııaqty Teleradıokeshenniń resýrstary bazasynda jýrnalıstıkanyń zamanaýı ádisterin oqytý múmkindikterin talqylady. Sonymen, tájirıbeli sarapshylar, medıa-menedjerler, tilshiler, júrgizýshiler, prodıýserler, rejısserler, montajerler, operatorlar tájirıbesimen bólisýge daıyn.
«Jýrnalıstıka – shyǵarmashylyq mamandyq, ol turaqty tájirıbe men daǵdylardy jetildirýdi talap etedi. Bizdiń stýdentterge TRK-nyń kásibı mamandarynan úırenýge biregeı múmkindik beriledi. Bul Qazaqstandaǵy sapaly jýrnalıstıkanyń damýyna úlken úles dep sanaımyn», - dedi MNU Basqarma tóraǵasy Talǵat Nárikbaev.
Kezdesý jóke aǵashy kóshetterin otyrǵyzýmen aıaqtaldy. 2021 jyly salynǵan TRK alleıasy ádemi aǵashtarmen tolyqtyryldy, olar jazda qala turǵyndaryn altyn gúlshoǵyry men bal hosh ıisimen qýantatyn bolady.