Prezıdent TMD-ǵa múshe elder basshylary keńesiniń otyrysyna qatysty

<p>Qazaqstan Prezıdenti TMD-ǵa múshe memleket basshylary keńesiniń otyrysyna qatysty, dep habarlaıdy<strong> </strong><a href="https://kaz.inform.kz/" target="_blank" rel="noopener">Kazinform</a> Aqordanyń baspasóz qyzmetine silteme jasap.</p>

Qazaqstan Prezıdenti qonaqjaılyq kórsetkeni jáne TMD-ǵa tóraǵalyq etý barysynda Qyrǵyzstannyń tabysty jumys atqarǵany úshin Sadyr Japarovqa alǵys aıtty.

Memleket basshysy TMD janyndaǵy Seriktes jáne Baqylaýshy mártebesiniń bekitilýin búgingi otyrystyń aıtýly oqıǵasy retinde atap ótip, bul sheshim uıymnyń kemeline kelgenin jáne ony damytýdyń jańa kezeńine qadam basqanyn kórsetetinine nazar aýdardy.

Qazaqstan Prezıdenti geosaıası qaıshylyqtardyń shıelenise túskenin atap ótip, álem ekonomıkasynda turaqsyzdyq kúsheıgenin aıtty.

«Qazaqstan jahandyq saýda-sattyq pen memleketterdiń ál-aýqatyna keri áser etetin ekonomıkalyq sanktsııalardy qoldanýǵa túbegeıli qarsy», – dedi Memleket basshysy.