Prezıdent Temasek Holdings kompanııasynyń bas dırektory Dılhan Pılleıdi qabyldady

<p>SINGAPÝR. KAZINFORM — Kezdesý barysynda Qasym-Jomart Toqaev pen Dılhan Pelleı «Samuryq-Qazyna» qory men Temasek kompanııasy arasynda strategııalyq seriktestik ornatý múmkindigin talqylady.</p>

Prezıdenttiń aıtýynsha, atalǵan bastama iskerlik baılanystardy keńeıtýge, ekonomıkalyq ósimdi yntalandyrýǵa yqpal etedi.

Memleket basshysy Qazaqstan tarapynyń Temasek kompanııasymen tyǵyz seriktestik jasaýǵa múddeli ekenin aıtty. 

Qasym-Jomart Toqaev sıngapýrlyq kompanııany Qazaqstan ekonomıkasynyń túrli salasynda birlesken ınvestıtsııalyq jobalardy júzege asyrý isine belsendi atsalysýǵa shaqyrdy.

Foto: Aqorda

Dılhan Pılleı kólik jáne logıstıka salalary boıynsha bizdiń elmen aradaǵy yntymaqtastyq perspektıvasyna joǵary baǵa berdi.

Qazirgi ýaqytta sıngapýrlyq kompanııa Qazaqstan ekonomıkasyna qatysý múmkindikterin zerdelep jatyr.

Kezdesýde birlesken ınvestıtsııalyq qor qurý, sondaı-aq tsıfrlandyrý, elektrondy kommertsııa jáne jańartylatyn energııa kózderi salalaryndaǵy yqpaldastyq máseleleri qarastyryldy.

Foto: Aqorda

Temasek — Sıngapýrdyń 1974 jyly qurylǵan eń iri ınvestıtsııalyq kompanııalarynyń biri. Álemniń 9 elinde kompanııanyń 13 ókildigi bar.