Prezıdent teleradıokesheni «Qazaqstan - AQSh: tabystyń tarıhy» fılmin tanystyrdy

ASTANA. QazAqparat - QR Prezıdentiniń teleradıokesheni «Qazaqstan - AQSh: tabystyń tarıhy» fılmin tanystyrdy, dep habarlaıdy «QazAqparat» HAA.

«Ne sebepti AQSh-ta Trampty synǵa ala beredi? AQSh Prezıdenti men Elbasymyz qalaı til tabysty jáne bir-birin qalaı birden túsinisip ketti? Qazaqstan men AQSh arasynda keńeıtilgen strategııalyq áriptestiktiń jańa formaty qandaı? Osy jáne basqa da suraqtarymyzǵa jaýaptarymyzdy «Qazaqstan-AQSh: tabystyń tarıhy» tsıklynan Qazaqstan Respýblıkasy Prezıdentiniń Teleradıokompanııasynyń jańa derekti fılminen taba alasyzdar», - delingen QR Prezıdenti TRK-nyń Facebook-tegi paraqshasynda.

Derekti fılmdi búgin 21: 30-da Habar arnasynda tamashalaýǵa bolady.

Eske salaıyq, Memleket basshysy AQSh-qa resmı saparmen baryp,  BUU Qaýipsizdik Keńesiniń «Jappaı qyryp-joıatyn qarýdy taratpaý: senim sharalary» atty otyrysyna qatysty.