Prezıdent teleradıokesheni «Ál-Jazıra» arnasymen áriptestik qarym-qatynas ornatty

DOHA. QazAqparat – QR Prezıdenti teleradıokesheni arabııalyq «Ál-Jazıra» spýtnıkti telearnasymen áriptestik qarym-qatynas ornatty. Bul týraly QR Prezıdenti TRK delegatsııasy men «Ál-Jazıra» spýtnıkti arnasy basshylyǵynyń kezdesýinde málim boldy, dep habarlaıdy QazAqparat tilshisi.

Arab aımaǵynyń eń iri televızııalyq holdınginiń Qatar astanasy Dohadaǵy shtab-páterinde ótken kezdesýde eki tarap ta qazirgi saıası landshaft pen álem damýynyń tendentsııalary qubylyp turǵan shaqta mass-medıanyń róli mańyzdy ekenin atap ótti. Ulttyq BAQ-tyń jańalyqtar álemindegi kún tártibin qalyptastyrýǵa qatysýy, olardyń iri álemdik BAQ-pen ózara is-qımyly halyqaralyq aqparat jobalaryn mazmundy ete túsýge múmkindik beretinine nazar aýdaryldy.

«Ál-Jazıra» telekompanııasynyń shtab-páteri. Arab tilindegi jańalyqtar stýdııasy. Foto:archi.ru

Qazaqstan tarapy áriptesterine quramyna birneshe medıa-aktıv kiretin Prezıdent teleradıokesheni transformatsııaǵa túsip jatqanyn aıtyp berdi. Medıholdıngtiń quramyna eldiń ishi men syrtyna birdeı habar taratatyn «Jibek Joly» telearnasy men «Qazaqparat» halyqaralyq aqparat agenttigi, Derekti kıno ortalyǵy kiredi.

Sheteldik áriptestermen iskerlik ári dostyq qarym-qatynas ornatý, tájirıbe almasý, ulttyq múddelerdi álemdik aqparat naryǵyna shyǵarý Teleradıokeshen jumysynyń mańyzdy baǵyty bolyp otyr.

Álem telejýrnalıstıkasynda moıyndalǵan «Al Jazeera» telekompanııasymen birge jumys isteý – kontent almasý men ony ilgeriletýde, sondaı-aq birlesken medıa-jobalar jasaýda zor tájirıbe bolmaq, -

deıdi «QR Prezıdentiniń teleradıokesheni» KeAQ bas dırektory Raýshan Qajybaeva.

Qazaqstandyq delegatsııanyń Dohaǵa sapary birneshe kúnge josparlanǵan. Birinshi kúni Al Jazeera Media Network qurylymdyq bólimsheleriniń basshylarymen kelissóz ótti. Kelissózge Al Jazeera Media Network bas dırektory doktor Mostefa Sýag ta qatysty.

Sapar qorytyndysy boıynsha taraptar yntymaqtastyq týraly birlesken kelisimge qol qoıady degen jospar bar. Sonyń negizinde eki aradaǵy áriptestikti júıelendirip, halyqaralyq aqparattyń kún tártibin qalyptastyrý boıynsha tıimdi dıalogti damytatyn jaǵdaı jasaý kózdelip otyr.

«Ál-Jazıra» telekompanııasynyń shtab-páteri. Arab tilindegi jańalyqtar stýdııasy. Foto: archi.ru

«QR Prezıdentiniń teleradıokesheni» Qazaqstannyń eń iri medıa-kompanııalarynyń biri bolyp esepteledi. Onyń quramyna: «Jibek Joly» telearnasynyń respýblıkalyq jáne halyqaralyq qosyny, Qazaqstandaǵy eń tarıhy baı «QazAqparat» halyqaralyq aqparattyq agenttigi jáne Derekti kıno ortalyǵy kiredi.

«Ál-Jazıra» telekompanııasy (Al Jazeera Media Network) – 1996 jyly Qatar Ámiriniń Jarlyǵymen qurylǵan halyqaralyq telekompanııa. Telekompanııa álemniń kóptegen elinde arab jáne aǵylshyn tilderinde habar taratady, 50-den astam sheteldik bıýrosy bar. Holdıngtiń derekti mazmuny Al Jazeera Documentary telearnasynda kórsetiledi.

Sýrette Al Jazeera Media Network bas dırektory, doktor Mostefa Sýag QR Prezıdenti Teleradıokesheniniń delegatsııa múshlelerimen birge.