Prezıdent: Táýelsizdiktiń 30 jyldyǵyna baılanysty sharalar halyqqa rýhanı serpilis ákelýi qajet

NUR-SULTAN. QazAqparat - QR Prezıdenti Qasym-Jomart Toqaev Táýelsizdiktiń 30 jyldyǵyn merekeleýge daıyndyq jónindegi memlekettik komıssııanyń birinshi otyrysynda aıtýly merekege baılanysty baılanysty sharalar halyqqa rýhanı serpilis ákelýi qajettigine toqtaldy, dep habarlaıdy QazAqparat.

Prezıdent 30 jyldyqqa baılanysty sharalar halyqqa rýhanı serpilis ákelýi qajettigine toqtaldy. Bul rette rýhanııat salasyndaǵy jumys birneshe baǵyttan turady. Ult tarıhynda óshpes iz qaldyrǵan kórnekti tulǵalardyń eńbegin nasıhattaý asa mańyzdy jumystyń biri.

– Bıylǵy mereıli jylǵa birneshe ataýly data tuspa-tus kelip otyr. Jyr alyby Jambyldyń – 175, Alash arysy Álıhan Bókeıhanovtyń – 155, kúsh atasy Qajymuqannyń – 150 jyldyǵy, taǵy basqa birneshe tarıhı tulǵanyń mereıtoıy. Biz byltyr Abaı men Ál-Farabıdyń mereıtoılaryn óte maǵynaly ótkizdik. Olardyń tulǵalyq kelbeti men ómir joly, eńbekteri halyqqa úlken oı saldy. Bul tájirıbeni aldaǵy ýaqytta da ustanǵan jón, – dedi Qasym-Jomart Toqaev.

Sondaı-aq, bıyl Semeı polıgonynyń jabylǵanyna 30 jyl tolyp otyr. Memleket basshysy ıadrolyq synaqqa tyıym salý arqyly óz taǵdyrymyzǵa ózimiz jaýap bere alatynymyzdy kórsetip, elimizdiń álemdik antııadrolyq qozǵalystyń kóshbasshysyna aınalǵanyn aıtty.

Sondaı-aq, memlekettik nyshandarǵa qurmet otanshyldyqtyń kórinisi ekenin, osy oraıda, el rámizderin qoldaný erejesin qaıta qaraýdy tapsyrǵanyn, qasıetti kók baıraqty úı syrtyna jáne basqa da kórnekti jerlerge ilýge tyıym salýǵa bolmaıtynyn atap ótti.