Prezıdent: Táýelsizdik jylnamasynyń úshinshi onjyldyǵy ońaı bolmaıtyndyǵy qazirdiń ózinde aıqyn

NUR-SULTAN. QazAqparat – Táýelsizdik jylnamasynyń úshinshi onjyldyǵy ońaı bolmaıtyndyǵy qazirdiń ózinde aıqyn. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Biz tuǵyry myǵym el bolý jolynda kedergilerdi eńserip, qıyndyqtardy jeńip kelemiz. Munyń bárine berekeli birlik pen eseli eńbek arqyly jettik. Elimiz táýelsizdik jylnamasynyń úshinshi onjyldyǵyna qadam basqaly tur. Bul kezeńniń ońaı bolmaıtyndyǵy qazirdiń ózinde aıqyn baıqalýda. Kez kelgen syn-qaterge daıyn bolýǵa tıispiz. Tynymsyz izdenip, udaıy alǵa umtylýymyz qajet», - dedi Memleket basshysy.

Aıta keteıik, qazirgi ýaqytta Memleket basshysy 7-shi shaqyrylymdaǵy QR Parlamentiniń 2-shi sessııasyn ashyp, Qazaqstan halqyna kezekti Joldaýyn jarııalap jatyr.