Prezıdent tapsyrmasy: Jambyl oblysynda 24 myńǵa jýyq qyzmetkerdiń jalaqysy artady

ASTANA. QazAqparat - Memleket basshysynyń tapsyrmasy sáıkes,  2019 jyly Jambyl oblysynda bıýdjetten jalaqy alatyn 23 424 qyzmetkerdiń eńbekaqysy ósedi, dep habarlaıdy QazAqparat tilshisi.

Bul týraly Jambyl oblysynyń ákimi Asqar Myrzahmetov Ortalyq kommýnıkatsııalar qyzmetinde óńirdiń  áleýmettik-ekonomıkalyq damýyna arnalǵan baspasóz maslıhatynda aıtty.

Óz sózinde A. Myrzahmetov jambyldyqtardyń qazaqstandyqtardyń ál-aýqatyn arttyrýǵa baǵyttalǵan Elbasy Joldaýyn úlken qyzyǵýshylyqpen qabyldaǵanyn atap ótti.

"Joldaýdaǵy birinshi basymdyq- halyq tabysynyń ósýine qatysty. 2019 jyldan bastap bıýdjetten jalaqy alatyn 23 424 qyzmetker úshin tómengi jalaqy óskeli otyr. Bul sheshimdi bıznes ókilderiniń de qoldaýy úshin jergilikti kásiporyn basshylarymen kelissózder júrgizip jatyrmyz", - dedi oblys ákimi.

Onyń aıtýynsha, óńirdiń «Jambylgıps» AQ, «TMZ» JShS, «JZMK Imstalkon» JShS, «TarazKojObýv» JShS jáne «Jambyl Tsement Óndirisitik kompanııa» JShS, «Altynalmas»AQ syndy iri kásiporyndary bul sheshimdi qoldap, 9 myń qyzmetkerdiń eńbekaqysyn kótergeli otyr.

"Oblysta 95 iri jáne orta bıznes jáne kelissózder jyl sońyna deıin júrgiziledi", - dep óz sózin túıindedi ákim.

Eske sala ketsek, Memleket basshysy Nursultan Nazarabaev halyqqa arnalǵan bıylǵy Joldaýynda 2019 jyldan bastap eń tómengi jalaqyny 1,5 esege ósirýdi tapsyrdy. Osy maqsattarǵa 2019-2021 jyldarda respýblıkalyq bıýdjetten jyl saıyn 96 mıllıard teńge bólinedi.