Prezıdent tapsyrmasy: Memlekettik qyzmetshilerdiń kásibı áleýetin arttyrýǵa kúsh salamyz – Shynar Ǵabdrahmanova
Onyń aıtýynsha, Prezıdent eldiń ekonomıkalyq, áleýmettik, óndiristik, aýyl sharýashylyǵy jáne basqa salalarda bastalǵan reformalardy iske asyrýdyń sapasy men tıimdiligi negizinen memlekettik organdar men memlekettik qyzmetshilerdiń jumysyna táýeldi ekendigine nazar aýdardy.
-Memlekettik organdarda jumys jasaıtyn memlekettik qyzmetshilerdiń quzyrettilik deńgeıleri ár túrli ekendigi anyq. Biraq Prezıdent atap ótken memlekettik apparattaǵy kadrlyq áleýettiń tómen deńgeıi, halyq tarapynan bılikke senimsizdik tanytý, bıýrokratııa máseleleri de bar. Atalǵan máselelerdi sheshý memlekettik apparatqa, bılikke halyqtyń senimin týdyrý tetikterin qarastyrýdy talap etedi, - deıdi Shynar Tólegenqyzy.
Bul máselelerdi memleket anyq túsinip otyr. Qazaqstan Respýblıkasynda Memlekettik basqarýdy damytýdyń 2030 jylǵa deıingi tujyrymdamasy aıasynda memlekettik qyzmet júıesinde kásibı damý men bıznes-protsesterdi jańa sapalyq deńgeıde júrgizý mindeti qoıyldy. Tujyrymdama «Eń aldymen – adamdar» degen prıntsıppen memlekettik basqarýdyń «adamdyq» modelin qurýdy kózdedi. Memlekettik basqarýdyń jańa modeli tıimdi, «halyq únine qulaq asatyn», esep beretin, kásibı ári syndarly memleket qurýǵa negizdelip, nátıjesinde memlekettik qyzmettegi adamı resýrstardyń sapasyn jaqsartý, qundylyqtary joǵary memlekettik qyzmetshilerdiń jańa býynyn qalyptastyrý, memlekettik qyzmetke joǵary bilikti mamandardy tartý úshin jaǵdaı jasaý, memlekettik qyzmet sapasyn arttyrý jáne proaktıvtik qyzmet kórsetý aıasyn keńeıtýdi belgiledi.
«Degenmen, barlyq memlekettik qyzmetshilerdi halyqpen sóılese alady dep aıta almaımyz. Taraptarmen kelissózder júrgizý, birin-biri tyńdaý, kommýnıkatsııalar qurý daǵdylarynyń bolmaýy kóp jaǵdaıda halyq pen bılik arasyndaǵy túsinispeýshilikke ákeldi», deıdi fılıal dırektory.
Onyń sózine qaraǵanda, qazir Qazaqstan Respýblıkasy Prezıdenti janyndaǵy memlekettik basqarý akademııasynda memlekettik qyzmetshilerdi qaıta daıarlaý kýrstary, biliktilikti arttyrý semınarlarynda oqytylatyn pánderdiń kontenti qaıta qaralyp otyr.
Akademııa jáne onyń fılıaldarynda daǵdarystyq jaǵdaılarda tıimdi kommýnıkatsııa qurý boıynsha keıster daıyndalyp, oqytý mazmunyn tolyqtyrý jumystary jasalýda. «Halyq únine qulaq asatyn memleket: halyqpen jáne azamattyq qoǵammen ózara árekettesý quraldary», «Belgisizdik jaǵdaıynda qyzmet tıimdiligin arttyrý», «Tıimdi kommýnıkatsııa: aqparatpen jumys jasaý tehnıkalary», «Emotsıonaldy ıntellekt jáne tıimdi qarym-qatynas» taqyryptarynda 2022 jylǵa semınarlar josparlandy. Olarǵa qosa «Emotsıonaldy ıntellekt jáne daǵdarysqa qarsy kommýnıkatsııalar», «Belgisizdik jaǵdaıyndaǵy kommýnıkatsııalar», «Daǵdarystardy basqarý», «Memlekettik organdardyń syndarly dıalog qurý tásilderi» atty jańa taqyryptar jasaqtaldy. Bul memlekettik qyzmetshilerdiń kásibı áleýetine qatysty aıtylǵan máseleni sheshýdiń bir joly deýge bolady.
Memlekettik apparattaǵy shekten tys bıýrokratııa sheshim qabyldaýda, tez qımyldaý sátterinde kedergi keltiretin bolsa, onda, árıne, bul qaýiptiń áserin barynsha tómendetý qajet. Bul óz aldyna memlekettik organdardyń atqaratyn qyzmetterine fýnktsıonaldy taldaý jasaýdy, ondaǵy oryn alǵan bıznes-protsesterdi qaıta qaraýdy talap etedi.
Bıznes-protsesterdi ońtaılandyrý jáne bıýrokratııany joıý jónindegi joldardy udaıy izdestirý – bul memlekettik basqarýǵa engen jańa qundylyqtar.
«Akademııada 2017 jyly ashylǵan Memlekettik basqarýdaǵy jobalyq menedjmentti damytý ortalyǵy quramynda osy bıznes-protsesterdi zertteý sektory jumys jasaıdy. Protsestik tásildi zertteý sektory bılik organdarynyń qyzmetinde protsesterdi ajyratyp alý, olardy standarttaý, maqsatqa sáıkestigi men ekonomıkalyq tıimdiligin esepke ala otyryp, protsesterdi qaıta qurylymdaý (reınjınırıng), protsestiń nátıjesi úshin jaýaptyny taǵaıyndaý men nátıjeniń tıimdiliginiń sandyq, sapalyq kórsetkishterin belgileý qyzmetterin kórsete alady. Búgingi tańda bizder memlekettik organdarǵa bıznes-protsesterdi ońtaılandyrý jáne qaıta qurýǵa baılanysty keńes berýge, oqytýǵa daıynbyz. Arnaıy oqytylǵan trenerlerimiz de, bıznes-protsesterdi taldaý tájirıbemiz de bar», deıdi Sh.Ǵabdrahmanova.
Bıznes-protsesterdi ońtaılandyrý – bul memlekettik apparattyń tutynýshyǵa baǵyttalýyn, ishki qyzmet júıesiniń tıimdiligin arttyrý jáne basqarý júıesin nátıje negizinde qurýdy kózdeıdi. Bul úrdis protsestik tásil ádisnamasyna súıenedi. Protsestik basqarýda memlekettik organdardyń qyzmeti azamattar men bıznestiń suranysyn qanaǵattandyrýǵa baǵyttalǵan ózara baılanysty protsesterdiń jelisi bolyp tabylady. Árbir memlekettik organ birtutas úrdiske óz úlesin qosyp otyrady. ıAǵnı, bir bıznes-protseste birneshe memlekettik organdar óz mindetin atqarý arqyly keshendi jumys jasaý algorıtmi belgilenedi. Bıznes-protsesterdi ońtaılandyrýǵa qatysatyn qyzmetkerlerdiń boıynda únemdi óndiristiń quraldary men synı oılaý daǵdylary bolýy shart.
«Jalpy alǵanda, memlekettik qyzmetshilerdi jumysqa qabyldaý júıesi de qaıta qaralatyn bolady. Memlekettik qyzmet ózindik spetsıfıkaǵa ıe sala, sondyqtan osy salaǵa keletin mamandardy muqııat irikteý, onyń kásibı jáne jeke qasıetterin kórý, áleýetin barynsha tolyq anyqtaý, qyzmet etýge daıyndyǵyn bilýdi qamtamasyz etýdi óte mańyzdy dep esepteımiz. Búgingi tańda akademııa Prezıdenttik jastar kadr rezervine irikteý tájirıbesine ıe. 2019, 2021 jyldary ótken bul joba HR-quraldaryn qoldaný arqyly tulǵanyń quzyrettilikteri men áleýetin shynaıy baǵalaýǵa bolatyndyǵy týraly qorytyndy jasaýǵa negiz bolyp otyr. Osy júıeniń keıbir quraldaryn memlekettik qyzmette de qoldanýǵa bolady.
Memlekettik qyzmettegi kásibı damý tetikteri men bıznes-protsesterdi ońtaılandyrýda eń basty sońǵy nátıje – bul memlekettik apparat qyzmetiniń ashyqtyǵy men tıimdiligine, memlekettik qyzmetterdi jeńil ári yńǵaıly alýǵa, azamattar men bıznestiń suranystaryn qanaǵattandyrýǵa qol jetkizý bolyp otyr», dep túıindedi oıyn Shynar Ǵabdrahmanova.
Eske sala keteıik, budan buryn Prezıdent qordalanǵan máseelelerdi sheshý joldaryn usynǵanyn jazǵan bolatynbyz.