Prezıdent tapsyrmasy: Qurylys materıaldary 15%-ǵa arzandaıdy

NUR-SULTAN. QazAqparat – Elimizde qurylys materıaldary baǵasynyń 15%-ǵa arzandaýy kútilýde. Bul týraly QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Qurylys materıaldary baǵasynyń negizsiz ósýin tómendetý maqsatynda «Marketpleıs» atty arnaıy aqparattyq alań qurý kózdelip otyr. ıAǵnı, otandyq qurylys materıaldaryn onlaın satý alańy. Memlekettiń qoldaýymen qurylys materıaldaryn satýǵa arnalǵan onlaın saýda alańy belgilengen baǵany ustap turýǵa múmkindik beredi. Bul óz kezeginde baǵanyń 15 paıyzǵa arzandaýyna jáne qurylys materıaldary naryǵynyń ashyqtyǵyn qamtamasyz etedi», - dedi Q. Óskenbaev OKQ-de ótken baspasóz máslıhatynda.

Vıtse-mınıstrdiń málimdeýinshe, ótken jyly «Nurly jer» memlekettik baǵdarlamasy aıasynda qurylys materıaldaryn óndirýshiler men qurylys kompanııalaryna arnalǵan www.stroimaterial.kz saıty iske qosyldy.

«Atalǵan saıt «Nurly jer» memlekettik baǵdarlamasy aıasynda júzege asyrylǵan birinshi joba, al endi qolǵa alynǵan «Marketpleıs» sonyń jalǵasy, ekinshi kezeń deýge bolady. Bul onlaın saýda alańynda óndirýshiler óz ónimderin usyna alady. Onda barlyq protsess onlaın túrde júrgiziledi, ıaǵnı kelisimsharttar ETsQ (elektrondy tsıfrlyq qoltańba) kómegimen jasalady. Sondaı-aq, logıstıkalyq kompanııalardyń taýardy jetkizýin baqylaıtyn arnaıy fýnktsııa iske qosylatyn bolady», - deıdi ol.

Buǵan deıin Qaıyrbek Óskenbaev elimizde turǵyn úı baǵasy qymbattaýynyń sebebin túsindirdi.

Sonymen qatar, vıtse-mınıstr Qazaqstanda turǵyn úı baǵasynyń arzandaýyna qatysty boljam jasady.