Prezıdent tapsyrmasy: Qaraǵandyda EAEO elderinen ákelingen alǵashqy kólik tirkeldi
5 aqpanda Qaraǵandy qalasynyń mamandandyrylǵan HQKO-da Reseıden ákelingen mashınaǵa alǵashqy ýaqytsha nómirdi 47 jastaǵy Aleksandr Podshıbıakın aldy.
«2019 jyly shyǵarylǵan «Toyota Rav 4» avtokóliginiń qozǵaltqysh kólemi 2.0 tekshe sm. Kólik ıesi memlekettik tirkeý nómirlik belgisi (MTNB), Kólik quralyn tirkeý týraly kýálik (KQTK) jáne bastapqy tirkeý úshin memlekettik baj tóledi», - dedi Qaraǵandy oblysy PD baspasóz qyzmeti.
1-4 aqpan aralyǵynda Qaraǵandy oblysynyń Mamandandyrylǵan HQO-ǵa ýaqytsha tirkeý týraly keńes alýǵa 136 avtokólik ıesi júgingen. Olardyń 99-y Reseı Federatsııasynan, 27-i Armenııa Respýblıkasynan, 10-y Qyrǵyzstannan jáne 1-i Belarýsten ákelingen.
Esterińizge sala keteıik, 27 qańtarda QR Іshki ister birinshi orynbasary Marat Qojaev EAEO-dan ákelinetin avtokólikterdi tirkeý erejeleri týraly áńgimeledi. Osy Erejelerge sáıkes Qazaqstanda mundaı avtokólikter úshin 18-shi aımaq jańa kody engizildi. ІІM-de sary nómirlermen jáne 18-aımaq degen belgimen osyndaı kólikterdi jalpy avtomobılder arasynan baqylap otyrý jáne esep júrgizý úshin ereksheleý týraly sheshim qabyldanǵan. Bul týraly Marat Qojaev málimdedi.
Sonymen qatar, Úkimettiń keńeıtilgen otyrysynda Memleket basshysy Qasym-Jomart Toqaev Qazaqstannyń zańnamasyna saı kelmeıtin sheteldik kólikterge qatysy máseleni sheshýdi tapsyrǵan bolatyn.