Prezıdent tapsyrmasy boıynsha qosymsha zań jobalary ázirlenedi - Marat Beketaev

NUR-SULTAN. QazAqparat - Ádilet mınıstri Marat Beketaev elimizde daıyndalyp jatqan qosymsha zań jobalary týraly aıtyp berdi, dep habarlaıdy QazAqparat tilshisi.

«Zań jobalary vedomstvoaralyq komıssııa arqyly ótedi. Bul komıssııanyń jumys organy - Ádilet mınıstrligi. Josparly zań jobalarymen vedomstvonyń vebsaıtynan tanysýǵa bolady. Zań jobalarynyń jospary ashyq tur», - dedi Marat Beketaev halyqpen esep berý kezdesýinen keıin tilshilerge bergen jaýabynda.

Mınıstr Memleket basshysynyń tapsyrmasy negizinde qosymsha zań jobalary ázirlenetinin atap ótti.

«Prezıdent Qasym-Jomart Toqaevtyń tapsyrmasymen júzege asyrý sheńberinde jospardan tys zań jobalary jasalatynyna senimdimin. Olardyń basym bóligi jedeldetilgen tártipte ázirlenedi. Qandaı zań jobalary paıda bolatynyn ańǵarý úshin Prezıdenttiń ulyqtaý rásimindegi baıandamasyn tyńdaǵan abzal», - dedi mınıstr.