Prezıdent tapsyrmasy: 200 myń bıznesmenniń shyǵyny azaıdy

ASTANA. QazAqparat - Elektr energııasy kásiporyndary tarıfterdi tómendetkennen keıin 200 myńnan astam kásipkerdiń shyǵyny azaıdy. Bul týraly «Kásipkerlik salasyndaǵy prokýratýra qadaǵalaýy» atty bıznesti qorǵaý jónindeni ІІІ forýmda QR Bas prokýrorynyń orynbasary Marat Ahmetjanov málim etti, dep habarlaıdy QazAqparat.

«Prezıdent qazandaǵy Joldaýynda básekelestikti damytý men tarıfterdi retke keltirý boıynsha batyl sheshimder qabyldaý qajettigin atap ótti. Elimiz boıynsha prokýratýra energetıkalyq kásiporyndardy tekserdi. Bizdiń sharalar aıasynda 15 óńirde elektr energııasy men jylýmen qamtamasyz etýge tarıfi deńgeıi tómendetildi. Tutynýshylarǵa 15 mlrd teńgeden astam soma óteldi», - dedi M. Ahmetjanov.

Onyń aıtýynsha, monopolıster áreketinen bızesmender de zardap shekti. «Máselen, Atyraý oblysynda «AtyraýEnergosatý» JShS boıynsha 120 mln teńgege tarıftiń asyra kórsetilýi anyqtaldy. Tólemder mólsheri tómendetilip, bes myń kásipkerdiń quqyqyǵy qorǵaldy», - dedi ol.

M. Ahmetjanovtyń sózine qaraǵanda, jalpy elimiz boıynsha 200 myńnan astam kásipker shyǵyndarynyń azaıǵanyn sezingen.

«Osyndaı zań buzýshylyqtar ókiletti organdardyń áreketsizdiginen oryn aldy. Laýazymdy tulǵalarǵa qatysty jeti qylmystyq is qozǵalyp, prokýrorlyq áreket etý sharalarymen 27 adam jazaǵa tartyldy», - dedi ol.