Prezıdent tapsyrmasy: 15 óńirlik ýnıversıtet damytylady

NUR-SULTAN. QazAqparat - Qazaqstan kolledjderine akademııalyq derbestik beriledi. Bul týraly Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Kolledjderge akademııalyq derbestik beriledi. Atalǵan shara bilim berý baǵdarlamalarynyń mazmunyn ózgertýge múmkindik berip, oqytý merzimderin qysqartyp, bilim sapasyn arttyrady, eńbek naryǵyna jyldam shyǵarýdy qamtamasyz etedi», - dedi Ashat Aımaǵambetov.

Onyń atap ótýinshe, joǵary bilim júıesinde bıyldan bastap aımaq tiregi jobasy iske asyryla bastaıdy. Naqty krıterııler boıynsha 15 óńirlik joǵary oqý orny irikteledi.

«Osy ýnıversıtetterdi damytý úshin nysanaly qarjy bólip, jańa zerthanalar men bilim baǵdarlamalary ashylyp, bilim berý sapasyn kóteremiz», - dedi mınıstr.